A Orde do 17 de febreiro de 2001 (DOG do 1 de marzo), pola que se convocan e aproban as bases que rexen as convocatorias de bolsas e axudas de apoio á formación e actualización do profesorado universitario prevé, respectivamente, nos seus anexos I, II e III, a concesión de bolsas para actualización do profesorado respecto da materia que imparten, axudas para a formación de profesores en novas titulacións e axudas para o financiamento de estadías de profesores visitantes.

Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles unha bolsa para actualización do profesorado respecto da materia que imparten ás persoas que se relacionan no anexo I a esta orde, para realizar unha estadía no centro que se sinala, polo tempo que se especifica e na contía que se indica.

Segundo.-Concederlles unha axuda para a formación de profesores en novas titulacións ás persoas que se relaciona no anexo II a esta orde, para realizar unha estadía no centro que se sinala, polo tempo que se especifica e na contía que se indica.

Terceiro.-Concederlles ás universidades unha axuda para o financiamento de estadías dos profesores visitantes que se relacionan no anexo III a esta orde e pola contía que se indica en cada caso.

Cuarto.-O pagamento das bolsas ás que se refiren os puntos primeiro, segundo e terceiro farase de acordo co establecido nas respectivas bases da convocatoria.

Quinto.-O incumprimento por parte dos beneficiarios de calquera das bases establecidas na orde da convocatoria do 17 de febreiro de 2001 suporá a perda do dereito a percibi-la subvención correspondente.

Sexto.-Contra esta resolución, que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes, a partir do día seguinte ó da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo, no prazo de dous meses, perante o Tribunal Superior de Xustiza de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 10 de maio de 2001.

Celso Currás Fernández

Conselleiro de Educación e Ordenación

Universitaria

ANEXO I

Profesores ós que se lles conceden bolsas

para actualización do profesorado respecto

da materia que imparten

Profesores excluídos por non presenta-la

documentación no prazo legalmente establecido

na orde de convocatoria

Lorenzo Cimadevila, Henrique.

ANEXO II

Profesores ós que se lles conceden bolsas

para actualización do profesorado en novas

titulacións

Profesores excluídos por presenta-la solicitude

fóra do prazo legalmente establecido na orde

de convocatoria

López López, Fernando.

ANEXO III

Axudas para financiar estadías de profesores

visitantes

Universidade de Santiago de Compostela

Universidade da Coruña

Universidade de Vigo