Por Resolución do 17 de abril de 2001 (DOG nº 83, do 30 de abril), da División de Recursos Humanos do Servicio Galego de Saúde, resolveuse definitivamente a primeira fase do concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, pertencentes ás clases de inspectores médicos, inspectores farmacéuticos e subinspectores sanitarios, convocado por Resolución do 29 de xaneiro de 2001 (DOG nº 26, do 6 de febreiro).

Así mesmo, por Resolución do 20 de abril de 2001 (DOG nº 84, do 2 de maio) citáronse os participantes na segunda fase do devandito concurso para o acto de elección de destino definitivo.

Realizado o dito acto o día 7 de maio de 2001, procede agora, de conformidade co previsto no punto 4 da base décima da citada convocatoria, dictar resolución e publicala no Diario Oficial de Galicia cos destinos definitivos da segunda fase do concurso, indicando nela os prazos de cesamento no seu destino actual, independentemente da Administración onde se atope o concursante, se é o caso, e toma de posesión, tanto dos funcionarios ós que se lles adxudicou un novo posto no concurso de traslados, como dos funcionarios de novo ingreso.

Por todo isto, este centro directivo

ACORDA:

Primeiro.-Declarar resolta definitivamente a segunda fase do concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, pertencentes ás clases de inspectores médicos, inspectores farmacéuticos e subinspectores sanitarios, convocado por Resolución do 29 de xaneiro de 2001 (DOG nº 26, do 6 de febreiro), adxudicándolles ós participantes os destinos definitivos que aparecen reflectidos no anexo desta resolución.

Segundo.-De conformidade co previsto no punto 4 da base décima da citada convocatoria, os prazos de cesamento no actual destino e de toma de posesión no destino adxudicado serán aplicables tanto ós funcionarios de novo ingreso que participaron na 2ª

fase do concurso de traslados como a aqueles funcionarios que participaron na primeira fase deste, resolta definitivamente por Resolución do 17 de abril de 2001 (DOG nº 83, do 30 de abril).

Terceiro.-O cesamento no seu actual destino do persoal afectado producirase no prazo de tres días hábiles contados desde o seguinte ó da publicación desta resolución á que se fai referencia no punto catro da base décima da citada convocatoria.

O prazo para tomar posesión do novo destino será de tres días hábiles se o posto de traballo se atopa na mesma localidade, ou dun mes se radica en localidade distinta. Estes prazos comezarán a contarse a partir do día seguinte hábil ó do cesamento e serán

considerados como de servicio activo para tódolos efectos.

Cuarto.-Contra esta resolución, que pon fin á vía administrativa, poderase interpoñer recurso contencioso-administrativo, ante o xulgado competente, no prazo de dous meses contados a partir da súa publicación no Diario Oficial de Galicia. Potestativamente, no prazo dun mes, poderá interpoñerse recurso de reposición ante este centro directivo.

Santiago de Compostela, 14 de maio de 2001.

Valeriano Martínez García

Director xeral da División de Recursos Humanos

ANEXO

Inspectores médicos

Inspectores farmacéuticos

Subinspectores sanitarios