En cumprimento da resolución da alcaldía do 7-5-2001 e do disposto nos artigos 78 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de xestión de servicios públicos.
1. Obxecto: concesión da explotación das instalacións municipais (café-bar, vestiarios e duchas) da praia dos Bloques.
2. Tramitación: ordinaria.
3. Procedemento: aberto.
4. Sistema de adxudicación: concurso.
5. Canon: 120.000 pesetas anuais (721,21 euros).
6. Prazo: catro anos.
7. Fianza provisional: 40.000 pesetas (240,4 euros).
8. Fianza definitiva: 100.000 pesetas (601.01 euros).
9. Presentación de ofertas: durante os 15 días naturais seguintes ó da publicación deste anuncio no DOG, cos requisitos do artigo 11 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, pza. de España, nº 1, 27700 Ribadeo-Lugo, tlf. 982 12 86 50, fax: 982 13 09 75, horario de atención ó público de 9 a 14 horas de luns a venres.
10. Modelo de proposición:
D/Dª..... veciño/a de..... con domicilio en..... titular de DNI nº..... en nome propio (ou en representación de ...), informado da licitación convocada para adxudica-la concesión dos servicios de café-bar, vestiarios e duchas na praia dos Bloques, comprométese a asumi-lo dito arrendamento conforme os pregos de condicións particulares, que acepta integramente, para o que presenta:
a) Oferta dun canon anual para o Concello de.... pesetas (en letra e número).
b) Experiencia en xestión de hostalería, que acredita coa seguinte documentación.
c) Propostas alternativas de mellora do servico ou das instalacións.
Ribadeo, ..... de..... de 2001.
11. Apertura de proposicións: será realizada pola mesa de contratación en acto público, segundo a cláusula 13 do prego, dentro dos 10 días seguintes ó de remate de presentación de ofertas e previa convocatoria ós licitadores.
Ribadeo, 7 de maio de 2001.
José Carlos Rodríguez Andina
Alcalde