Ó abeiro do disposto no Decreto 258/1992, do 10 de setembro, faise público que a Corporación Municipal do Concello de Cervo, na súa sesión plenaria que tivo lugar con data do 5-4-2001, aprobou proposta de escudo e bandeira municipal das seguintes características:
A organización do futuro escudo municipal de acordo co seguinte brasonamento:
-De sinople (verde), un cervo de ouro (amarelo), vilanado de goles (vermello); xefe da azur (azul) cunha estrela de ouro flanqueada de dúas áncoras de prata. Ó timbre, coroa real pechada.
A organización da futura bandeira municipal queda da seguinte forma:
-Sobre paNo verde, un cervo amarelo, vilanado de vermello; a un tercio de hasta encaixado de azul coa estrela de amarelo e unha áncora de branco.
O que se fai público para xeral coñecemento, para o que se abre un prazo de información pública dun mes.
José Insua Pernas
Alcalde