O Concello Pleno, en sesión extraordinaria do 13 de marzo de 2001, acordou aprobar definitivamente, por maioría absoluta do número legal de membros que compoñen a Corporación, o Plan xeral de ordenación municipal do Concello de Ribadumia.

O que se fai público para a súa executividade, cummprindo así co disposto no artigo 48.2º da Lei 1/1997, do 24 de marzo, do Solo de Galicia, sinalando que contra o presente acordo, que é definitivo en vía administrativa, de conformidade co disposto no artigo 6 da Lei 7/1995, do 29 de xuño, de delegación de distribución de competencias en materia de urbanismo, poderá interpoñerse potestativamente recurso de reposición perante o mesmo órgano que o dictou, no prazo dun mes contado a partir do día seguinte á publicación do último dos anuncios no DOG ou BOP, de conformidade co disposto no artigo 116.1º da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben impugnando directamente ante a orde xurisdiccional contencioso-administrativo.

Se se opta pola interposición do recurso potestativo de reposición, deberá ser resolto e notificado polo concello no prazo dun mes, segundo establece o artigo 117.2º da Lei 30/1992, do 26 de novembro. Transcorrido un mes desde a interposición do recurso de reposición sen que recaese resolución en prazo, entenderase desestimado e poderase interpoñer recurso contencioso-administrativo.

Contra a resolución expresa do recurso de reposición ou ben directamente contra o presente acordo, poderase interpoñer recurso contencioso-administrativo do Tribunal Superior de Xustiza de Galicia, de conformidade co disposto nos artigos 10.1º a) e 46.1º da Lei 29/1998, do 13 de xullo, no prazo de dous meses contados desde o día seguinte ó da notificación da devandita resolución ou ó da publicación do presente acordo. Se a resolución non fose expresa, o prazo de interposición do recurso contencioso-administrativo será de seis meses contado a partir do día seguinte a aquel en que se deba entenderse presuntamente desestimado o recurso potestativo de reposición interposto, segundo establecen os artigos 46.1º e 4º da Lei 29/1998, do 13 de xullo.

Advírtese que tamén poderá interpoñerse calquera outro recurso que os interesados consideren pertinentes en defensa dos seus intereses.

Ribadumia, 27 de marzo de 2001.

José Ramón Barral Martínez

Alcalde