Examinado o expediente promovido pola Federación de Traballadores do Ensino de Galicia (FETE-UGT), en colaboración co Conservatorio Superior de Música de Vigo, para o curso especialización en educación musical que tivo lugar en Vigo, homo

logado con data do 1 de decembro de 1999, e segundo o establecido na Orde ministerial do 11-1-1996, con corrección de erros no BOE do 3 de febreiro, pola que se homologan os cursos de especialización de educación infantil, educación primaria, de educación especial e do primeiro ciclo de educación secundaria obrigatoria e de habilitación para o primeiro ciclo de educación infantil, e na Resolución do 3 de novembro de 1997 (DOG do 17 de novembro), pola que se regulan as condicións e o procedemento para a homologación dos citados cursos de especialización, esta dirección xeral, de conformidade co disposto no punto noveno da devandita resolución,

RESOLVE:

Primeiro.-Declarar aptos os mestres funcionarios de carreira relacionados no anexo I desta resolución e que superaron satisfactoriamente o curso que nel figura.

Segundo.-A Dirección Xeral de Ordenación Educativa e Formación Profesional procederá a expedírlle-la certificación de especialistas en educación musical ós mestres declarados aptos ó abeiro desta resolución, de conformidade e coas condicións que figuran no punto oitavo da resolución da Consellería de Educación e Ordenación Universitaria, do 3 de novembro de 1997.

Terceiro.-Contra esta resolución, que esgota a vía administrativa, os interesados poderán interpoñer recurso potestativo de reposición perante a directora xeral de Ordenación Universitaria e Formación Profesional no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 20 de abril de 2001.

María Pilar del Mar Pérez Marsó

Directora xeral de Ordenación Educativa

e Formación Profesional

ANEXO I

Curso especialización en educación musical (Vigo)

FETE-UGT e Conservatorio Superior de Música

de Vigo