O Pleno do Concello de Vigo, en sesión do día 26 de febreiro de 2001, adoptou o seguinte acordo:
Primeiro.-Aprobar definitivamente o estudio de detalle, texto refundido, da U.E. industrial II-03 Santo André de Comesaña, presentado pola comisión xestora da devandita U.E. con data 4 de marzo de 1999, redactado polo arquitecto J. Enrique López Santander e visado polo COAG no 2 de marzo de 1999 (expediente 4034/411).
Segundo.-Estima-la alegación formulada por María del Carmen González Costas no período de información pública.
Terceiro.-No preoxecto de urbanización deberá preverse un sistema axeitado de evacuación das augas pluviais do sector, coa supervisión e informe favorable da entidade Seragua, S.A., de xeito que non se poderán conceder licencias de primeira ocupación antes de que o correspondente colector estea rematado. Do mesmo xeito, as naves preexistentes na parcela A decláranse fóra de ordenación, ó incumpri-los recuamentos preceptivos.
Cuarto.-Publica-lo presente acordo no DOG e no BOP, con notificación individualizada ós solicitantes, presidente da xunta de compensación e demais interesados por el.
Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.
Así mesmo, o presente anuncio servirá de notificación nos termos previstos no artigo 59 da Lei de réxime xurídico de las administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou intentada esta non se puidese practicar.
Vigo, 29 de marzo de 2001.
Lois Pérez Castrillo
Alcalde-presidente da Xerencia Municipal
de Urbanismo