De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la proposta de resolución do procedemento sancionador que se instrúe por infracción da Lei 4/1997, de caza en Galicia, do 25 de xuño (DOG do 11 de xullo).
O pagamento voluntario poñerá fin ó expediente. De non o efectuaren voluntariamente, dispoñen os interesados dun prazo de quince (15) días, contados a partir do seguinte ó de publicación desta notificación, para formularen cantas alegacións consideren pertinentes.
O que se lles comunica de acordo coa normativa antes citada, así como co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto) e no Decreto 482/1997, do 30 de decembro (DOG do 8-1-1998), polo que se establece a estructura orgánica da Consellería de Medio Ambiente.
ANEXO
Expediente nº: C-65/2000.
Denunciado: Manuel Vázquez Vázquez.
DNI: 34.228.316.
Domicilio: Carril do Mercado, nº 2-5º esq. Lugo.
Feito denunciado: non impedir en época inhábil que sete cans de caza de raza beagle vaguen sen control polos terreos cinexéticos do couto LU-10.153, coto de Bagude. Portomarín. Lugo.
Precepto sancionador: 57.10º da Lei 4/1997, de caza en Galicia.
Cualificación da infracción: leve.
Sanción: 10.000 pesetas de multa.
Lugo, 26 de marzo de 2001.
Luis González Vázquez
Delegado provincial de Lugo