O Pleno Municipal na súa sesión realizada o día 13 de marzo de 2001, acordou:
Aprobar con carácter definitivo o estudio de detalle da unidade de actuación resultante da unión dos ámbitos da UU.AA. 39, 40 e 41 do PXOU, promovido pola sociedade propietaria dos terreos Unión Atalaya, S.L. e redactado polo arquitecto Gonzalo García Martínez que ten por obxecto precisar aliñacións e rasantes e ordena-los volumes da edificación correspondente.
O estudio de detalle que se aproba substitúe o aprobado definitivamente polo Pleno Municipal na sesión do 29 de xullo de 1997 para a UA 41 que queda sen efecto.
Determinar que este acordo esgota a vía administrativa e pode impugnarse directamente ante a Sala do Contencioso-Administrativo do Tribunal Superior de Xustiza de Galicia no prazo de dous
meses que se contará desde a súa publicación, sen prexuízo da posibilidade de interpoñer previamente recurso potestativo de reposición no prazo dun mes ante o mesmo órgano que o adoptou.
Culleredo, 19 de marzo de 2001.
Ricardo Seoane Candamio
Concelleiro delegado de Urbanismo