Visto o expediente do convenio colectivo da empresa Tranvías del Ferrol, S.A. (código convenio 1501552) que tivo entrada nesta delegación provincial o día 30-3-2001, subscrito en representación da parte económica pola empresa e da parte social polo comité de empresa o día 29-3-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 6 de abril de 2001.
María Silva Costoya
Delegada provincial da Coruña
Tranvías del Ferrol, S.A.
Actividade: transporte de viaxeiros en autobús
Capítulo I
Extensión e vixencia
Artigo 1º.-Ámbito de aplicación.
O presente convenio colectivo será de aplicación na empresa Tranvías del Ferrol, S.A., de Ferrol, e afectará a todo o persoal da empresa que non quede excluído pola aplicación da lexislación vixente. Será complementario da ordenanza laboral que encadra os servicios de transporte por estrada.
Artigo 2º.-Ámbito temporal.
O convenio entrará en vigor o día da súa publicación no BOP ou no Diario Oficial de Galicia indistintamente. Non obstante, producirá efectos económicos a partir do día 1 de xaneiro de 2001, e a súa duración será ata o día 31 de decembro do ano 2003.
Revisión e rescisión
Artigo 3º.-Revisión, rescisión ou prórroga.
Calquera das partes poderá formular denuncia propondo revisión ou rescisión cunha antelación dun mes, como mínimo, respecto á data de expiración do período de vixencia ou de calquera das súas prórrogas. No caso de prorrogarse pola tácita, a prórroga do convenio levará consigo o incremento de tódolos conceptos económicos pactados, equivalente ó índice de prezos de consumo dos doce meses inmediatamente anteriores.
Artigo 4º.-Respecto de dereitos.
Respectaránselles a tódolos traballadores as situacións persoais actualmente consolidadas, en canto determinen maiores dereitos dos concedidos por este convenio, respecto das materias obxecto de regulación incluído o complemento de distancia.
Capítulo II
Condicións económicas
Artigo 5º.-Retribucións.
Os salarios para o presente convenio establécense incrementando sobre o ano anterior a seguinte progresión:
Ano 2001, IPC real máis 1 punto.
Ano 2002, IPC real máis 1 punto.
Ano 2003, IPC real máis 1 punto.
O salario conformarase cada ano aumentando o IPC previsto oficialmente para el e se o 31 de decembro respectivo sufrise variación, esta rectificarase para establece-lo IPC real. Esta rectificación levarase a cabo tan pronto o constate o INE e terá efectos desde o primeiro de xaneiro do ano correspondente, repercutindo a mesma variación na masa salarial.
As táboas salariais quedan configuradas no anexo I.
Capítulo III
Disposicións varias
Artigo 6º.- Aumentos por antigüidade.
Os premios por antigüidade para cada categoría profesional son os establecidos no anexo II. Producirán efecto a partir do día 1 do mes en que vence a antigüidade. O persoal ingresado a partir do 1 de xaneiro de 1995 non devengará aumentos por antigüidade. Para o persoal ingresado a partir do 1 de xaneiro de 1995, créase un complemento de compensación por antigüidade de 4.000 pesetas mensuais.
Artigo 7º.-Tempo de presencia.
A valoración do tempo de presencia, para o período que comprende este convenio, establécese, para cada categoría profesional afectada, nas cantidades reflectidas no anexo III. O valor A aplicarase ós días laborables e o valor B ós domingos e festivos.
Artigo 8º.-Gratificacións extraordinarias.
As gratificacións extraordinarias, correspondentes ás pagas de verán e Nadal, consistirán en trinta días do salario de convenio establecido no anexo I, e a antigüidade que a cada traballador lle corresponda conforme o anexo II. O persoal ingresado a partir do 1 de xaneiro de 1995 percibirá o complemento de compensación por antigüidade.
Artigo 9º.-Beneficios.
En concepto de participación en beneficios sinálase un 10% anual, calculado sobre o salario de convenio e a antigüidade ou complemento de compensación por antigüidade se é o caso, incluídas as gratificacións extraordinarias. Aboarase por semestres vencidos, a principio dos meses de abril e outubro de cada ano.
Artigo 10º.-Gratificación especial por quebranto de moeda.
En concepto de quebranto de moeda, os cobradores percibirán mensualmente 4.024 pesetas, e os conductores-perceptores 4.614 pesetas. Os valores totais anuais por este concepto son os que figuran no anexo VII.
Artigo 11º.-Traballos realizados en domingos e festivos.
Os xornais dos domingos e días festivos establécense na contía sinalada no anexo IV deste convenio, sen prexuízo da concesión dun día laborable para o descanso semanal.
Artigo 12º.-Complemento de máquina.
Os conductores-perceptores percibirán por este concepto un complemento mensual na contía de 17.971 pesetas, percibíndose igualmente nas vacacións anuais. Cando por conveniencia da empresa, atendendo ás necesidades do servicio, un conductor-perceptor fose destinado a unha liña na que unicamente tivese que desempeña-las funcións de conductor ou cobrador, seguirá percibindo este complemento salarial.
Artigo 13º.-Complemento de nocturnidade.
Queda fixado nos valores que se reflicten no anexo V.
Artigo 14º.-Complemento desgaste-ferramentas.
Todo o persoal que preste os seus servicios no taller percibirá por este concepto a cantidade de 4.749 pesetas mensuais, percibíndose igualmente nas vacacións anuais.
Artigo 15º.-Vacacións.
Tódolos traballadores da empresa Tranvías del Ferrol S.A., sen distinción de emprego nin categoría, que leven un ano da ntigüidade na empresa, desfrutarán dun período de vacacións regulamentarias igual a trinta días naturais, que será, ademais, o tope máximo de vacacións para todo o persoal e serán retribuídas a razón de salario de convenio, antigüidade, complemento de compensación por antigüidade e complemento de ferramenta ou complemento de máquina, de se-lo caso.
A quenda de vacacións distribuirase da seguinte forma:
Os meses de maio a setembro, ambos inclusive, formarán o tempo de verán e os restantes o de inverno. Cada traballador desfrutará as súas vacacións alternando cada ano o tempo de verán ou inverno e rotando o mes de cada tempo.
O persoal con menos dun ano de antigüidade na empresa desfrutará, dentro do primeiro ano natural de prestación dos seus servicios, da parte proporcional de vacacións.
Artigo 16º.-Licencias retribuídas.
a) Tres días en caso de falecemento de cónxuxe, parella, pais e fillos, tanto carnais como políticos.
b) Dous días en caso de falecemento de irmáns, avós e netos, tanto carnais como políticos.
c) Dous días laborables en caso de nacemento dun fillo.
d) Dous días por enfermidade grave do cónxuxe, parella, pais e fillos, tanto carnais como políticos.
e) Un día en caso da voda dun fillo, coincidindo co día da cerimonia.
f) Un día de licencia para o caso de renova-lo carné de conducir.
Para o resto de licencias aplicarase o disposto no E.T., Lei 8/1980.
Cando por tal motivo o traballador teña que realizar un desprazamento fóra da provincia, o prazo será ampliado en dous días máis.
Logo de xustificación suficiente, establécese a posibilidade de desfrute dun permiso non retribuído para a resolución de asuntos particulares que non admitan demora ata a data das vacacións regulamentarias do traballador.
Este permiso non poderá ser superior a sete días e non será acumulable ás vacacións nin a calquera outra licencia estatutariamente establecida. O traballador terá a obriga de solicitalo cunha semana de antelación, comunicándollo asemade ó comité de empresa, o cal poderá pronunciarse ante a empresa, na forma que estime conveniente, sobre a referida solicitude. A empresa, se non concorren causas razoables que o impidan, deberá concede-lo permiso solicitado.
Artigo 17º.-Excedencias.
Os traballadores cunha antigüidade na empresa dun ano, como mínimo, teñen dereito a que se lles recoñeza a posibilidade de situarse en excedencia voluntaria, por un prazo non menor a dous anos e non maior de cinco.
O reingreso deberá ser solicitado cun mes de antelación á terminación da excedencia e producirase de forma automática, sempre e cando a lexislación vixente en cada momento permita a contratación temporal por períodos equivalentes ó da excedencia.
En caso contrario, atenderase o disposto no Estatuto dos traballadores
Artigo 18º.-Xornada laboral.
A xornada anual de traballo durante a vixencia do presente convenio será de 1.826 horas e 27 minutos de traballo efectivo, equivalente a 40 horas semanais.
Ámbalas dúas partes comprométense a iniciar un estudio de cara a alcanzar un acordo, que posibilite a implantación de xornada partida, para novas actividades da empresa que afectaría de forma rotativa a unha porcentaxe do cadro do persoal de movemento.
Artigo 19º.-Garantías no traballo.
Todo conductor ou conductor-perceptor, de se-lo caso, que conducindo un vehículo da empresa, cometese unha infracción que acarrease a retirada do carné de conducir, terá dereito a desempeñar, sen perda da súa categoría profesional, o posto que eventualmente puidese asignarlle a empresa. Para iso será necesario o previo informe favorable do comité de empresa, que deberá pronunciarse sobre as circunstancias que en cada caso concorran.
Artigo 20º.-Pases de libre circulación.
As esposas, esposos ou parellas de feito se é o caso, fillos, viúvas, xubilados, pensionistas de longa enfermidade e invalidez e os fillos orfos de traballadores que o soliciten, terán dereito a un pase gratuíto para viaxar nos vehículos da empresa. No que respecta ós fillos e orfos, gozarán de tal beneficio ata os 26 anos, sempre e cando acreditasen a súa necesidade en función de estudios, que estivesen realizando, se algún dos beneficiarios traballase perdería tal beneficio, excepto se estivese realizando aprendizaxe, caso no que se lle respectará ata a idade que sinale a ordenanza laboral para as empresas de transportes por estrada, facendo extensivos estes beneficios para os fillos dos xubilados ou pensionistas de longa enfermidade e invalidez.
Artigo 21º.-Libre acceso ós vehículos.
Tódolos traballadores da Compañía de Tranvías del Ferrol, con presentación da tarxeta de identidade da empresa, terán libre acceso ós vehículos desta.
Artigo 22º.-Uniformes.
A empresa dotará a todo o persoal da uniformidade conforme se especifica a continuación, debendo vestir con limpeza e propiedade.
Cada dous anos entregaráselle ó persoal de movemento un uniforme completo composto de dúas chaquetas, dous pantalóns, e catro camisas.
Dotarase de botas de seguridade e fundas a todo o persoal de talleres. Manterase nas actuais condicións a entrega do anorak.
Capítulo IV
Previsión
Artigo 23º.-Complemento de indemnización.
Aboamento da IT, nos casos de baixa por accidente de traballo e enfermidade común.
Os quince primeiros días en caso de IT por enfermidade común, a empresa complementará as prestacións ata o 100%, sobre os conceptos de soldo e antigüidade.
A partir do día quince de rebaixe, aboarase o 100% sobre os conceptos de soldo, antigüidade ou complemento de compensación por antigüidade, se é o caso, complemento de máquina, domingos e festivos no caso dos conductores, e no caso do persoal de taller, a nocturnidade. Este mesmo tratamento aplicarase nos casos de hospitalización e accidente de traballo, desde o primeiro día. O cálculo farase sempre sobre cómputo mensual teórico.
No caso de ser variada a normativa actual de aboamento da IT por parte do Goberno, ámbalas partes están obrigadas á revisión deste acordo.
Artigo 24º.-Defunción.
Cando un traballador faleza, estando en activo, a empresa aboaralles ós familiares que estivesen convivindo co falecido, o importe de trinta días de salario de convenio, incrementado coa antigüidade ou complemento de compensación por antigüidade, de se-lo caso. Esta cantidade pagaráselles, exclusivamente, ós familiares que mantivesen co falecido o grao de consanguinidade e segundo a orde que se indica:
1) cónxuxe viúvo, 2) fillos, 3) pais.
Capítulo V
Participación dos traballadores
Artigo 25º.-Do comité de empresa.
1. O comité de empresa, como órgano representativo, colectivo e unitario de tódolos traballadores da empresa, ten como función fundamental a defensa dos intereses dos seus representados, así como a negociación e representación ante a dirección da empresa. O comité de empresa terá as seguintes competencias:
1.1. Recibir información, que lle será facilitada, trimestralmente, polo menos, sobre a evolución xeral do sector económico ó que pertence a empresa, sobre a situación da producción e vendas da entidade,
sobre o seu programa de producción e evolución probable do emprego na empresa.
1.2. Coñece-lo balance, a conta de resultados, a memoria e, no caso de que a empresa revista a forma de sociedade por accións ou participacións, dos demais documentos que se lles dean a coñecer ós socios, e nas mesmas condicións que a estes.
1.3. Emitir informe con carácter previo á execución por parte do empresario das decisións adoptadas por este, sobre as seguintes cuestións:
a) Reestructuracións do cadro de persoal e cesamentos totais ou parciais, definitivos ou temporais daquela.
b) Reduccións de xornada, así como traslado total ou parcial das instalacións.
c) Plans de formación profesional da empresa.
d) Implantación ou revisión de sistemas de organización e control de traballo.
e) Estudio de tempos, establecemento de sistemas de primas ou incentivos e valoración de postos de traballo.
1.4. Emitir informe cando a fusión, absorción ou modificación do status xurídico da empresa supoña calquera incidencia que afecte ó volume de emprego.
1.5. Coñece-los modelos de contrato de traballo escrito que se utilicen na empresa, así como os documentos relativos á terminación da relación laboral.
1.6. Ser informados de tódalas sancións impostas por faltas moi graves.
1.7. Coñecer, trimestralmente, polo menos, as estatísticas sobre o índice de absentismo e as súas causas, os accidentes de traballo e enfermidades profesionais e as súas consecuencias, os índices de sinistralidade, os estudios periódicos ou especiais do medio ambiente laboral e os mecanismos de prevención que se utilizan.
1.8. Exercer un labor:
a) De vixilancia no cumprimento das normas vixentes en materia laboral, de Seguridade Social e emprego, así como o resto dos pactos, condicións e usos de empresas en vigor, formulando, de se-lo caso, as accións legais oportunas ante o empresario e os organismos ou tribunais competentes.
b) De vixilancia e control das condicións de seguridade e hixiene no desenvolvemento do traballo na empresa, coas particularidades previstas polo artigo 19 do Estatuto dos traballadores.
1.9. Participar, como se determina por convenio colectivo, na xestión de obras sociais establecidas na empresa en beneficio dos traballadores ou dos seus familiares.
1.10. Colaborar coa dirección da empresa para consegui-lo establecemento de cantas medidas procuren o mantemento e o incremento da productividade, de acordo co pactado nos convenios colectivos.
1.11. Informa-los seus representados en tódolos temas e cuestións sinaladas no númeiro 1 en canto directa ou indirectamente teñan ou poidan ter repercusión nas relacións laborais.
2. Os informes que deba emiti-lo comité, a teor das competencias recoñecidas nos puntos 1.3 e 1.4 do número 1 anterior, deben elaborarse no prazo de quince días.
3. O texto íntegro dos convenios que cheguen a ser asinados exporase no taboleiro de anuncios, e permanecerá nel durante a súa vixencia. Á parte diso, facilitaráselle a cada traballador un exemplar do convenio vixente.
4. Asembleas: a empresa autorizará a realización de catro asembleas ordinarias ó ano, que terán lugar dentro do recinto dos seus locais e fóra das horas de traballo, para dar información xeral. O número de asembleas poderá ser ampliado con outras extraordinarias, para tratar temas de convenios ou conflictos colectivos, sempre que o comité de empresa xustifique a súa necesidade ante esta. A petición para a realización de cada asemblea ordinaria deberá ser presentada á empresa cun mínimo de antelación de 48 horas. A petición para as extraordinarias poderá facerse en calquera momento antes da súa realización.
O comité de empresa poderá estar asistido, para os efectos do parágrafo anterior, polos asesores dos seus sindicatos respectivos. O comité de empresa garantirá a orde e será responsable das deterioracións que puidesen producirse nas instalacións e material.
Artigo 26º.-Cota sindical.
A empresa, por petición dos seus traballadores afiliados ás centrais sindicais que conten cunha afiliación, no seo da empresa, non inferior ó 10% do cadro de persoal, descontará a cota sindical correspondente directamente do recibo de salarios, depositando as cotas nas contas bancarias que para o efecto sinalen as centrais sindicais correspondentes, e sempre que esa conta estea aberta nun banco que teña sucursal en Ferrol.
Da comisión paritaria
Artigo 27º.-Comisión paritaria.
A comisión paritaria será un órgano de interpretación, arbitraxe e vixilancia do cumprimento do presente convenio. As súas funcións serán:
1. Interpretación auténtica do convenio.
2. Arbitraxe dos problemas ou cuestións que lle sexan sometidos por ámbalas partes, de común acordo, en asuntos derivados deste convenio.
3. Conciliación facultativa nos problemas colectivos, con independencia das atribucións que por norma legal lles poidan corresponder ós organismos competentes.
4. Vixilancia do cumprimento do pactado.
As resolucións ou acordos adoptados por unanimidade pola comisión paritaria terán carácter vinculante.
En caso de dúbida ou discrepancia, a comisión elevaría consulta á autoridade laboral competente.
A comisión comporase de catro vocais, dous por cada parte, de entre os que actuaron na deliberación do presente convenio. Levantaranse actas dos acordos e resolucións que adopte a comisión, que deberán ser asinadas polas persoas que interveñan.
Poderán nomearse asesores por cada representación, aínda que estes non teñan dereito a voto.
A comisión, en primeira convocatoria, non poderá actuar sen a presencia de tódolos vocais, e en segunda, o seguinte día hábil, actuará cos que asistan, tendo voto unicamente en número paritario dos vocais presentes, sexan titulares ou suplentes.
A comisión reunirase por instancia de calquera das partes, poñéndose de antemán de acordo sobre o lugar, día e hora da reunión.
Ámbalas partes conveñen en dar coñecemento á comisión paritaria de cantas dúbidas, discrepancias e conflictos puidesen producirse como consecuencia da interpretación e aplicación do presente convenio.
Disposición derradeira
Artigo 28º.-Disposición derradeira.
As condicións aquí pactadas son, en conxunto, máis favorables que as mínimas legais que ó traballador lle corresponden, formando un todo indivisible, e para efectos da súa aplicación, serán consideradas globalmente.
Estas condicións absorben e compensan as que anteriormente rexesen por disposición legal, mellora pactada ou unilateralmente concedida pola empresa, contrato individual ou calquera outra causa. Así mesmo, as melloras económicas aquí establecidas absorberán e compensarán globalmente as que puidesen establecerse durante a vixencia deste convenio por calquera disposición obrigatoria.
ANEXO I
2001 3%
mes/día
Categorías Salario
Administración Xefe de servicios 150.028 mes Xefe de negociado 147.231 mes Oficial de 1ª 137.942 mes Oficial de 2ª 135.520 mes Auxiliar de administración 129.784 mes
Movemento Xefe de tráfico 149.767 mes Inspector 4.250 día Cobrador 4.145 día Conductor-perceptor 4.225 día
Taller Xefe de taller 149.767 mes Xefe de equipo 4.649 día Oficial de 1ª 4.225 día Oficial de 2ª 4.195 día Oficial de 3ª 4.164 día Mozo 4.135 día Complemento de máquina 17.971 mes Quebranto de moeda conductor 4.614 mes Quebranto de moeda cobrador 4.024 mes Complemento desgaste-ferramenta 4.749 mes Complemento compesación de antigüidade 4.000 mes
ANEXO II
Antigüidade
2001 3%
Día/mes
Categorías 2 anos 4 anos 9 anos 14 anos 19 anos 24 anos 29 anos 34 anos 39 anos
Administración Xefe de servicios 4.381 8.767 17.534 26.306 35.069 43.876 52.599 61.363 70.139 Xefe de negociado 4.152 8.316 16.625 24.936 33.248 41.562 49.878 58.191 66.502 Oficial de 1ª 3.882 7.771 15.535 23.306 31.075 38.845 46.618 54.387 62.152 Oficial de 2ª 3.784 7.565 15.142 22.700 30.274 37.845 45.418 52.982 60.548 Auxiliar admón. 3.548 7.093 14.192 21.285 28.378 35.473 42.575 49.672 56.761
Movemento Xefe de tráfico 4.275 8.557 17.100 25.651 34.198 42.743 51.299 59.855 68.402 Inspector 115 235 466 696 929 1.155 1.388 1.625 1.850 Cobrador 112 227 443 670 892 1.114 1.344 1.560 1.787 Conductor-perc. 115 229 458 686 922 1.147 1.376 1.608 1.843
Taller Xefe de taller 4.275 8.557 17.100 25.651 34.198 42.743 51.299 59.855 68.402 Xefe de equipo 128 253 508 760 1.008 1.267 1.429 1.774 2.025 Oficial de 1ª 115 229 458 686 922 1.147 1.376 1.608 1.841 Oficial de 2ª 115 228 457 682 906 1.137 1.364 1.591 1.820 Oficial de 3ª 112 228 450 674 898 1.130 1.348 1.572 1.793 Mozo 112 227 440 663 890 1.112 1.329 1.551 1.779
ANEXO III
Tempo de presencia
A: laborables
B: domingos e festivos
Antigüidade
Categorías Sen ant. 2 anos 4 anos 9 anos 14 anos 19 anos 24 anos 29 anos 34 anos 39 anos
Inspect. 1.078 1.247 1.105 1.290 1.136 1.334 1.194 1.427 1.324 1.511 1.388 1.599 1.450 1.689 1.504 1.770 1.561 1.862 1.633 1.950 Cobrad. 1.050 1.218 1.079 1.254 1.110 1.303 1.163 1.384 1.224 1.463 1.355 1.555 1.403 1.637 1.462 1.723 1.514 1.804 1.575 1.887 Cond.-per. 1.137 1.235 1.168 1.280 1.198 1.331 1.255 1.417 1.315 1.504 1.372 1.588 1.432 1.675 1.492 1.759 1.547 1.852 1.613 1.929
ANEXO IV
Domingos e festivos
2001 3%
Antigüidade
Categorías Sen ant. 2 anos 4 anos 9 anos 14 anos 19 anos 24 anos 29 anos 34 anos 39 anos
Administración Xefe de servicios 1.329 1.392 1.460 1.590 1.717 1.854 1.983 2.174 2.251 2.381 Xefe de negociado 1.251 1.319 1.383 1.505 1.638 1.759 1.881 2.009 2.135 2.260 Oficial 1ª admón. 1.167 1.230 1.290 1.405 1.529 1.642 1.757 1.880 1.993 2.120 Oficial 2ª admón. 1.144 1.196 1.254 1.374 1.486 1.599 1.715 1.829 1.939 2.058 Auxiliar admón. 1.071 1.126 1.182 1.279 1.391 1.504 1.609 1.715 1.822 1.927
Movemento Xefe de tráfico 1.225 1.281 1.347 1.463 1.590 1.713 1.832 1.953 2.078 2.201 Inspector 1.062 1.114 1.167 1.277 1.382 1.488 1.599 1.696 1.807 1.916 Cobrador 1.024 1.076 1.126 1.226 1.332 1.432 1.537 1.638 1.742 1.845 Conductor-perc. 1.050 1.095 1.161 1.259 1.374 1.482 1.588 1.689 1.795 1.912
Taller Xefe de taller 1.225 1.281 1.347 1.463 1.590 1.713 1.832 1.953 2.078 2.201 Xefe de equipo 1.156 1.218 1.279 1.387 1.511 1.632 1.755 1.860 1.975 2.088 Oficial 1ª taller 1.050 1.105 1.161 1.261 1.374 1.482 1.588 1.689 1.795 1.896 Oficial 2ª taller 1.043 1.097 1.147 1.251 1.357 1.461 1.568 1.668 1.770 1.881 Oficial 3ª taller 1.028 1.078 1.130 1.235 1.334 1.433 1.541 1.651 1.749 1.854 Mozo de taller 1.015 1.071 1.123 1.225 1.328 1.428 1.532 1.633 1.731 1.835
ANEXO V
Nocturnidade
2001 3%
Antigüidade
Categorías Sen ant. 2 anos 4 anos 9 anos 14 anos 19 anos 24 anos 29 anos 34 anos 39 anos
Oficial 1ª 526 553 582 633 685 735 790 842 893 951 Oficial 2ª 520 546 574 627 677 731 780 837 889 938 Oficial 3ª 516 545 564 614 670 720 775 822 871 926 Mozo 506 531 555 611 662 708 761 815 866 918
ANEXO VI
Horas extras
Antigüidade
Categorías Sen ant. 2 anos 4 anos 9 anos 14 anos 19 anos 24 anos 29 anos 34 anos 39 anos
Inspector 1.884 1.936 1.989 2.089 2.193 2.295 2.398 2.501 2.607 2.710 Cobrador 1.839 1.887 1.938 2.033 2.135 2.234 2.329 2.436 2.531 2.631 Cond.-perc. 1.995 2.049 2.100 2.202 2.305 2.403 2.507 2.609 2.711 2.819 Oficial 1ª 1.872 1.924 1.976 2.078 2.177 2.280 2.383 2.484 2.584 2.689 Oficial 2ª 1.862 1.912 1.962 2.064 2.164 2.267 2.367 2.466 2.568 2.670 Oficial 3ª 1.843 1.897 1.946 2.046 2.143 2.245 2.344 2.442 2.543 2.642
ANEXO VII
Táboa de remuneración anual en función das horas anuais de traballo
maquina.Categorías Salario convenio Quebr. moeda Compl. ferram.
Total ano Horas traballo
Xefe de servicios 2.310.431 2.310.431 1.826 H 27' Xefe de negociado 2.267.357 2.267.357 1.826 H 27' Oficial 1ª admón. 2.124.307 2.124.307 1.826 H 27' Oficial 2ª admón. 2.087.008 2.087.008 1.826 H 27' Auxiliar admón. 1.998.674 1.998.674 1.826 H 27' Xefe de tráfico 2.306.412 2.306.412 1.826 H 27' Inspector 1.986.875 1.986.875 1.826 H 27' Cobrador 1.937.788 44.264 1.982.052 1.826 H 27' Conductor-perc. 1.975.188 50.754 215.652 2.241.594 1.826 H 27' Xefe de taller 2.306.412 56.992 2.363.404 1.826 H 27' Jefe de equipo 2.173.408 56.992 2.230.400 1.826 H 27' Oficial 1ª taller 1.975.188 56.992 2.032.180 1.826 H 27' Oficial 2ª taller 1.961.163 56.992 2.018.155 1.826 H 27' Oficial 3ª taller 1.946.670 56.992 2.003.662 1.826 H 27' Mozo 1.933.113 56.992 1.990.105 1.826 H 27'
