A Comisión de Goberno do concello, na sesión que tivo lugar o día 26 de febreiro de 2001, aprobou inicialmente o proxecto de delimitación do polígono

6-7 do Plan parcial das Fontiñas e o cambio de sistema de compensanción previsto no citado plan polo de expropiación.

Os lindes do ámbito delimitado son:

Norte e de leste a oeste: núcleo urbano de Vieiro, terreos do polígono público das Fontiñas, rúa de Madrid, instituto das Fontiñas e rúa Dublín, e máis ó oeste, núcleo de solo urbano de Outeiro.

Sur: periférico (avenida de Gonzalo Torrente Ballester).

Leste: rúa de Roma.

Oeste: avenida de Lugo.

En cumprimento do que se dispón nos artigos 121.1º e 102.4º da Lei 1/1997, do solo de Galicia (LSG), o expediente sométese a información pública durante o prazo de vinte días, contados a partir do día seguinte ó da publicación deste anuncio no Diario Oficial de Galicia. Durante este prazo os interesados poderán consulta-lo expediente nas oficinas de Emuvissa, sitas na rúa do Vilar-67-2º, ou na Sección de Planeamento e Xestión do concello, e formula-las alegacións que xulguen oportunas, mediante escrito que se presentará no rexistro xeral do concello.

Este anuncio servirá de edicto de notificación, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC), ós propietarios que se relacionan na taboa anexo.

Santiago de Compostela, 16 de abril de 2001.

Xosé A. Sánchez Bugallo

Alcalde