O Director xerente do Complexo Hospitalario Juan Canalejo-Marítimo Oza da Coruña, en virtude das competencias que ten atribuídas na Orde da Consellería de Sanidade e Servicios Sociais de 21 de abril de 1998 (DOG nº 88, do 11 de maio), sobre delegación de competencias en órganos centrais e periféricos do Servicio Galego de Saúde, no seu artigo 7, modificada pola Orden do 23 de marzo de 2000 (DOG nº 104 do 30 de maio), e coa autorización expresa prevista nesa mesma norma, unha vez cumpridos os trámites administrativos correspondentes, resolve anuncia-la licitación que a continuación se cita:
Obxecto do contrato: explotación do servicio de cafetería do Hospital Abente y Lago da Coruña (contrato administrativo especial do artigo 5.2º b) do R.D.L. 2/2000, do 16 de xuño, polo que se aproba o texto refundido da Lei de contratos das administracións públicas en diante, a LCAP).
Tarifas polos servicios: o adxudicatario terá dereito a percibir dos usuarios do servicio contratado o prezo correspondente ás prestacións que lles satisfixese, na contía establecida na tarifa aprobada, vixente en cada momento. Os licitadores deberán incluír nas súas ofertas as tarifas que propoñen para o primeiro ano de explotación, as cales deberán ser necesariamente iguais ou inferiores ás máximas establecidas nos pregos, para tal efecto, tal e como se establece no punto 2.1 do anexo III.
Gastos por conta do adxudicatario: de acordo co réxime establecido nos pregos, corresponderán o adxudicatario do contrato os gastos ocasionados polo servicio (previos e durante a explotación), así como a satisfacción dun canon e outras prestacións complementarias a favor da Administración que, se é o caso, caso, ofertase. O canon anual para o primeiro exercicio de actividade, co carácter de mínimo e mellorable nas súas ofertas polos licitadores, establécese en 300.000 pesetas/ano; actualizándose para o segundo exercicio e os sucesivos, conforme se establece no punto 9 do prego de cláusulas administrativas particulares.
Garantía provisional: 250.000 pesetas.
1. Forma de adxudicación: concurso, polo procedemento aberto, de acordo co previsto nos artigos 73, 74, 85 e seguintes da LCAP.
2. Prazo de vixencia: a explotación por parte do adxudicatario do servicio de cafetería licitado terá unha duración máxima de seis anos, contado desde o momento no que se produza o seu comezo efectivo.
3. Admisión de variantes: non se admiten variantes sobre ningún dos elementos que comprenden o obxecto deste contrato.
4. Solvencia económica, financeira e técnica: ver prego de cláusulas administrativas particulares.
5. Criterios de adxudicación: ver prego de cláusulas administrativas particulares.
6. Documentos de interese para os licitadores: o prego de cláusulas administrativas particulares e demais documentación complementaria poden ser solicitados no servicio de contratación do complexo hospitalario (planta terceira do edificio do hotel de pacentes, anexo ó Hospital Juan Canalejo). As Xubias de Arriba, 84 15006 A Coruña, en días laborables desde as 9 ás 14 horas. Teléfono: 981 17 80 73. Fax: 981 17 80 32.
7. Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral do Complexo Hospitalario Juan Canalejo (planta baixa do Hospital Juan Canalejo), antes das 14 horas do décimo quinto día natural contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.
8. Apertura das proposicións: terá lugar na sala de xuntas do complexo hospitalario, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.
9. Documentación que deberán achega-los licitadores: os documentos que figuran no prego de cláusulas administrativas particulares.
10. Anuncios: os anuncios deste concurso serán por conta do adxudicatario do contrato.
A Coruña, 27 de abril de 2001.
Jesús Caramés Bouzán
Director xerente do Complexo Hospitalario
Juan Canalejo-Marítimo Oza da Coruña