En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación Profesional Xornaga (Xestión e Organización dos Recursos Naturais), que ten os seguintes ámbitos:

Territorial: Comunidade Autónoma de Galicia.

Profesional: poderán pertencer á devandita asociación as persoas que estean en posesión do título de técnico superior en xestión e organización dos recursos naturais e paisaxísticos.

Asinan a acta de constitución: Alberto Vieiro Pampín e catro persoas máis.

Santiago de Compostela, 2 de abril de 2001.

José Vázquez Portomeñe

Director xeral de Relacións Laborais