De conformidade co disposto nos artigos 59.4º e 61 da Lei de réxime xurídico das administracións públicas e do procedemento administrativo común,

do 26 de novembro de 1992 (BOE do 27 de novembro), faise público o acordo de iniciación recaído no expediente sancionador que se indica e que se segue nesta delegación provincial contra o presunto infractor que no anexo se sinala, xa que, intentándose a notificación no último domicilio coñecido, ésta non se puido practicar.

O correspondente expediente figura ó dispor do interesado para coñecemento íntegro e constancia do mencionado acto nas dependencias da Delegación Provincial de Lugo, sita na Ronda da Muralla, nº 70.

Contra o dito acordo de iniciación poderá formular alegacións e achega-las probas que coide pertinentes en defensa dos seus dereitos, no prazo de 15 días, contados desde o día seguinte ó desta publicación.

Ó mesmo tempo advírteselle que, transcorrido o dito prazo, seguirá o expediente o trámite ordinario, e poderá ser considerado o acordo de iniciación como proposta de resolución, no caso de non se faceren alegacións (artigo 13.2º do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, BOE do 9 de agosto).

Lugo, 26 de marzo de 2001.

Luis Abades Álvarez

Delegado provincial de Lugo

ANEXO

Expediente: S-12/2001.

1. Interesado e domicilio coñecido: José Luis Sánchez Sánchez. DNI 33.203.254. R/ Carlos Maside nº 6-1º D. 14704 Santiago de Compostela (A Coruña).

2. Feitos imputados: ás 11 horas do día 17 de decembro de 2000, cando funcionarios do Servicio Provincial de Transportes da Xunta de Galicia en Lugo se atopaban prestando servicio de control das condicións xerais de transporte de alimentos e productos alimenticios a temperatura regulamentada na estrada N-VI, km 447 con dirección a Madrid, procederon a identifica-lo automóbil con matrícula PO-4930-AZ con semirremolque matrícula C-04102-R, conducido por José Luis Sánchez Sánchez, o cal levaba no automóbil 8 canais de vitela fresca e 22 palés de coiros de porco conxelados, aloxados no interior do vehículo sen ningún medio de separación para diferentes temperaturas de transporte, figurando no termógrafo do equipo de frío unha temperatura de 10º C.

3. Preceptos infrinxidos: artigo 35.a).3º da Lei 14/1986, do 25 de abril, xeral de sanidade; artigo 2.1.1 do Real decreto 1945/1983, do 22 de xuño, polo que se regulamentan as infraccións e sancións en materia de defensa do consumidor e da producción agroalimentaria; artigo 1.1º d) do Decreto 157/1985, do 11 de xullo, da Xunta de Galicia, polo que se regulan as infraccións e sancións en materia sanitaria; artigos 7.1º, 8.2º e 10.1º do Real decreto 2483/1986, do 14 de novembro, polo que se aproba a Regulamentación técnico-sanitaria sobre

condicións xerais de transporte terrestre de alimentos e productos alimentarios a temperatura regulamentada); punto 69 do capítulo XV do anexo I do Real decreto 147/1993, do 29 de xaneiro, polo que se establecen as condicións sanitarias de producción e comercialización de carnes frescas.

De acordo co artigo 35.a).3º da Lei 14/1986, do 25 de abril, Lei xeral de sanidade, este feito constitúe unha infracción sanitaria que pode ser cualificada como leve e, polo tanto, de acordo co artigo 36.1º a) da citada lei, sancionarse con multa de ata cincocentas mil pesetas (500.000 pesetas).