O Consello da Xerencia Municipal de Urbanismo, na súa sesión do día 15 de febreiro de 2001, acordou declarar que no núcleo que se indica a continuación se superaron os indicadores que, para determina-la necesidade de formación de plans especiais, contén o punto 3.9.5 das normas urbanísticas. Daquela, débense declarar esgotadas as posibilidades edificatorias e parcelatorias do referido núcleo mentres non se aprobe o correspondente plan especial, e inicia-lo expediente de formulación do plan especial de mellora do núcleo, por redacción directa dos servicios técnicos municipais de planeamento, ou mediante contratación dunha asistencia técnica.
Os núcleos son os seguintes:
Expediente Núcleo Tipo
6288/411 12.01 A Estomada (Oia) C
6304/411 08.11 San Lourenzo (Coruxo) C
6257/411 01-02 O Carregal (Alcabre) C
O que se publica para o xeral coñecemento.
Vigo, 26 de marzo de 2001.
Lois Pérez Castrillo
Alcalde presidente da Xerencia
Municipal de Urbanismo