O Consello da Xerencia Municipal de Urbanismo, en sesión do 15 de febreiro de 2001, tomou coñecemento do avance do Plan Especial de Reforma Interior 2 Pertegueiras no núcleo 01.02 Argazada, na parroquia de Alcabre (expediente 6381/411), de iniciativa particular dun grupo de propietarios do ámbito, redactado polo arquitecto Ramón Reboreda Martínez, con visado do COAG de data 18 de decembro de 2000, así como das suxestións formuladas a este pola Oficina Técnica Municipal de Planeamento.

Sométese o expediente ó trámite de información pública, polo prazo dun mes, mediante anuncio que se publicará no DOG e nun dos xornais de maior circulación da provincia co fin de que as distintas entidades e particulares poidan formula-las suxes

tións que estimen oportunas e presentar propostas e convenios urbanísticos que coiden procedentes.

O prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 5 de marzo de 2001.

Lois Pérez Castrillo

Alcalde-presidente da Xerencia Municipal

de Urbanismo