Visto o texto da revisión salarial para o ano 2001 da empresa Unión de Empresas Madereras, S.A. (código convenio nº 1501572), que tivo entrada nesta delegación provincial o día 13-3-2001, subscrito en representación da parte económica pola empresa, e da parte social, polo comité de empresa o día 22-2-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de tarballo, que consta nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 23 de marzo de 2001.

María Silva Costoya

Delegación provincial da Coruña

ACTA-Asistentes:

Empresa:

Marcelino Olcoz López.

Alfonso Blanco Figueiras.

Comité de empresa:

José Vecino Seoane.

José Cundíns Ternande.

Antonio Sánchez Balsa.

Jesús Remuiñán Pérez.

Luis Cendán Prado.

En Carballo, ás 16 horas do día vintedous de febreiro de dous mil uno, reúnense os representantes do comité de empresa de UNEMSA conxuntamente cos representantes da empresa.

Ámbalas dúas partes chegaron ós seguintes acordos:

Primeiro.-Tódolos conceptos salariais incrementaranse no IPC de 2000 (4%).

Segundo.-Os demais termos do convenio quedan vixentes tal como están xa establecidos.

Terceiro.-Os incrementos económicos derivados da aplicación do presente convenio abonaranse a partir do un de xaneiro de dous mil un, e faranse efectivos na nómina de febreiro de 2001.

Ámbalas partes aprueban unanimemente a actualización do convenio colectivo para a empresa UNEMSA, asinándoo en proba de conformidade na data anteriormente indicada e preséntese na Delegación Provincial da Coruña da Consellería de Xustiza, Interior e Relacións Laborais, para que sexa insertado no Diario Oficial de Galicia e BOP da Coruña.

Convenio colectivo de traballo para aglomerados de madeira da empresa UNEMSA

Revisión o 1-1-2001 (en cumprimento artigo 5 do convenio de 2000)

Artigo 18º.-Antigüidade.

Consisitirá en quinquenios en contía de 5.164 pesetas mensuais, igual para tódalas categorías. A data inicial de cómputo de antigüidade será a do ingreso do traballador na empresa, calquera que sexa a categoría na que ingrese.

Unicamente non se computará para antigüidade o tempo que se permanecese en situación de excedencia voluntaria.

A antigüidade comezarase a devengar a partir do día 1 do mes seguinte a aquel en que se cumpre o quinquenio.

Artigo 19º.-Complementos.

a) Complemento de nocturnidade; os traballadores que presten os seus servicios entre as 22 e as 6 horas percibirán un 25% do seu respectivo salario de convenio en concepto de complemento de nocturnidade, por cada xornada traballada.

b) Complemento de tres quendas: os traballadores en réxime de tres quendas de traballo con descanso dominical percibirán por cada mes traballado neste réxime a cantidade de 7.255 pesetas.

c) Complemento de traballo ininterrompido: os traballadores en réxime de tres quendas de traballo con catro quendas de persoal percibirán por este concepto 24.937 pesetas mensuais.

d) Complemento de xornada partida: os traballadores en réxime de xornada partida percibirán por este concepto 3.747 pesetas mensuais.

Artigo 23º.-Quebranto de moeda.

Os pagadores percibirán por este concepto a cantidade de 5.256 pesetas mensuais.

Artigo 26º.-Mellora social.

Todo o persoal que traballe a xornada partida poderá realiza-lo xantar no bar, séndolle deducido do importe total da comida a cantidade de 579 pesetas por seren estas aboadas pola empresa, a partir do día 1 de xaneiro de 2001.

A empresa asume o incremento do IPC correspondente ó importe total que vai satisface-la empresa e o persoal durante os dous anos de vixencia do presente convenio.

Artigo 32º.-Complemento de locomoción.

Establécese un complemento de locomoción para tódolos traballadores por uns importes que figuran nas táboas anexas. O dito complemento estará referido a días efectivos de traballo polo que, de producirse algunha ausencia a este que non encaixe dentro daqueles supostos nos que a empresa está obrigada a aboa-la retribución completa, se descontará a parte proporcional correspondente ós días de ausencia no mes, en relación cos días laborables del, ata un máximo de 12.693 pesetas.

Artigo 39º.-Transporte.

A empresa aboará a quen teña o seu domicilio a máis de 2 km. do centro de traballo, a cantidade de 9,73 pesetas/km e figurará na nómina separado do complemento de locomoción.

ANEXO I

ANEXO II

ANEXO III

Complemento locomoción

Tódolos traballadores a xornada partida percibirán 12.693 pesetas en concepto de complemento de locomoción.

(*) Tres quendas con catro de persoal.