O Pleno do Concello de Vigo, en sesión do día 27 de novembro de 2000, adoptou o seguinte acordo:

Primeiro.-Aprobar definitivamente o estudio de detalle no ámbito das rúas Vía Norte, Pino e San Xosé (expediente 5824/411), conforme a documentación presentada por Manuel Lorenzo Muradás e Hijos, S.A. e outros, en datas do 24 de febreiro, 29 de marzo e 2 de xuño de 2000, redactado polos arquitectos Tomás Pérez-Lorente Quirós e Francisco Yáñez Ulloa e visado polo COAG con datas 22 de febreiro e 30 de xuño de 2000.

Segundo.-Proceder á publicación da aprobación definitiva no DOG e no BOP, segundo o artigo 48 da Lei 1/1997, do 24 de marzo, do solo de Galicia, con notificación individual a tódolos propietarios afectados por este ámbito de actuación.

Contra o devandito acordo que pon fin á vía administrativa poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.

Asemade, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou intentada esta non se puidese practicar.

Vigo, 10 de xaneiro de 2001.

Lois Pérez Castrillo

Alcalde-presidente da Xerencia Municipal de Urbanismo