Vista a solicitude para autorización administrativa, recoñecemento de utilidade pública coa relación concreta e individualizada dos bens ou dereitos que se consideran de necesaria expropiación, así como a aprobación do proxecto de execución que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T., C.T., R.B.T. Ponte-Vilarrodrís (Arteixo).

Liña eléctrica aérea de media tensión a 15/20 kV sobre apoios metálicos tubulares e de formigón con conductor LA-56, de 540 m de lonxitude, con orixe no apoio nº 3 da liña que alimenta o C.T. Agramonte Agarimo e final no C.T. Ponte Vilarrodrís, que se vai instalar. Centro de transformación, tipo intemperie, de 50 kVA e tensións de 15/0,380-0,220 kV, do que parte rede de baixa tensión sobre apoios de formigón e conductor R.Z. de 995 m de lonxitude. No termo municipal de Arteixo.

A petición someteuse a información pública, coa relación de propietarios, bens e dereitos afectados que se publicou no DOG do 9 de novembro e no BOP do 3 de novembro, no xornal La Voz de Galicia do día 20 de outubro e nos taboleiros de anuncios da Casa do Concello de Arteixo; ó mesmo tempo, notificouse individualmente a cada un dos interesados que figuran na devandita relación.

Esta delegación provincial comprobou que a liña, ó seu paso polos predios citados na información pública, non incorre en ningunha das prohibicións recollidas no artigo 57.A da Lei 54/1997, do 27 de novembro, do sector eléctrico (BOE do 28 de novembro) e no artigo 25 do Decreto 2619/1966, do 20 de outubro (BOE do 24 de outubro).

Así mesmo, comprobouse que as alegacións efectuadas polos interesados en canto á modificación do trazado da liña eléctrica non poden ser tidas en conta por non se daren as condicións previstas no artigo 57.B da devandita lei e artigo 26 do mencionado decreto.

Vista a Lei 54/1997, do 27 de novembro, do sector eléctrico, os decretos 2617/1966 e 2619/1966, do 20 de outubro, sobre autorización e expropiación forzosa das instalacións eléctricas, e cumpridos os trámites regulamentarios establecidos, esta delegación provincial resolveu:

Autorizar e aproba-lo proxecto das citadas instalacións e declarar, en concreto, a súa utilidade pública, que leva implícita a necesidade de ocupación dos bens ou de adquisición dos dereitos afec

tados e implica a urxente ocupación para os efectos do artigo 52 da Lei de expropiación forzosa.

Contra esta resolución poderá interpoñer recurso de alzada perante o conselleiro de Industria e Comercio no prazo dun mes, contado a partir do día seguinte ó da notificación desta resolución; tamén poderá interpoñer calquera outro recurso que coide pertinente ó seu dereito.

A Coruña, 21 de marzo de 2001.

Jesús Espada Martínez

Delegado provincial da Coruña