Jaime Balado Yáñez, secretario xudicial do Xulgado do Social número dous da Coruña, dou fe e testemuño que nos autos seguidos perante este Xulgado do Social tramitados baixo o número 877/2000, por instancia de Santiago Miguel Piñeiro Paz, contra a empresa Fabricados Escayola La Coruña, S.C., Juan Carlos Cuesta Royo e Fogasa sobre cantidade, foi dictada a seguinte sentencia:
Na cidade da Coruña, 27 de marzo de 2001.
Jorge Hay Alba, maxistrado xuíz do Social número dous desta cidade, viu os presentes autos de xuízo número 877/2000, seguidos por instancia de Santiago Miguel Piñeiro Paz, maior de idade, asistido polo letrado Antonio Pousa Meréns, contra empresa Fabricados Escayola La Coruña, S.C., e Fogasa, que non compareceron nos autos, sendo o obxecto da reclamación salarios.
Seguen feitos e fundamentos de dereito.
Decido que debo estimar e estimo a demanda interposta por Santiago Miguel Piñeiro Paz, contra a empresa Fabricados Escayola La Coruña, S.C., condenando a demandada a aboarlle ó demandante a cantidade de 1.178.245 pesetas polos conceptos reclamados na demanda, con absolución de Fogasa, sen prexuízo da responsabilidade que, ee é o caso, puidese corresponderlle.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da contidade de 25.000 pesetas na conta de depósitos e consignacións que este xulgado ten aberta no BBV desta cidade co número de conta 5603, clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lle sirva de notificación á empresa Fabricados Escayola La Coruña, S.C., mediante a súa publicación no Diario Oficial de Galicia, que ten o seu enderezo descoñecido, expido e asino a presente cédula na Coruña, 27 de marzo de dous mil un.
O secretario xudicial
Rubricado