Con data do 18 de febreiro de 2000 o Consello da Xunta de Galicia aprobou definitivamente o proxecto sectorial de incidencia supramunicipal da actuación industrial Río do Pozo, sector II, en Narón, declarando expresamente a utilidade pública das obras e a urxente ocupación para os efectos da expropiación forzosa dos bens e dereitos necesarios para a execución das instalacións (Diario Oficial de Galicia do 25 de febreiro de 2000).

O 29 de setembro de 2000, o Pleno do Concello de Narón acordou a aprobación do inicio do expediente de expropiación forzosa, sendo o órgano expropiante o Concello de Narón e a entidade beneficiaria Sepes Entidad Pública Empresarial de Suelo; aprobouse así mesmo a relación concreta e individualizada dos bens e dereitos afectados que se notificou individualmente, e o seu sometemento a información pública polo prazo de 15 días (BOE do 27 de febreiro de 2001), sen que se formulasen alegacións durante o dito período.

Na sesión do 30 de marzo de 2001, o Pleno acordou aprobar definitivamente a relación dos bens e dereitos afectados polo citado expediente de expropiación, convocando os seus titulares para que comparezcan o próximo día 8 de maio co obxecto de proceder ó levantamento das actas, previas á ocupación en cumprimento do disposto no artigo 52.2º da Lei de expropiación forzosa e concordantes do regulamento.

Co obxecto de proceder ó levantamento das actas previas á ocupación, e se procedese, ás da ocupación

definitiva, convócanse o citado día 8 de maio do 2001 ás 12 horas no concello onde radican os predios afectados, tódolos interesados, así como as persoas que sexan titulares de calquera clase de dereitos e intereses sobre os bens afectados.

Os titulares afectados deberán asistir persoalmente o ben representados por persoa debidamente autorizada para actuar no seu nome e representación, achegando os documentos acreditativos da súa titularidade, o derradeiro recibo da contribución e a

certificación catastral, podendo ir acompañado pola súa conta, se o estima oportuno, de perito e notario.

Esta publicación realízase, igualmente, para os efectos que determina o artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Narón, 24 de abril de 2001.

Xoán Gato Díaz

Alcalde