Pola presente cédula, e debido a que os debedores comprendidos na relación que no anexo se insire non puideron ser atopados nos domicilios que figuran nos rexistros deste centro, ou que se alegaron distintos motivos para non seren recibidas as notificacións polas persoas que a lexislación autoriza para facerse cargo delas, comunícase que:

Deberán ingresa-lo importe da debeda na conta bancaria 0046-0315-95-0008142490 do Banco Gallego nos prazos que se sinalan no artigo 20 do Real decreto 1684/1990, do 20 de decembro (BOE nº 3, do 3 de xaneiro de 1991), polo que se aproba o Regulamento xeral de recadación (R.X.R.), modificado a través do Real decreto 448/1995, do 24 de marzo (BOE nº74, do 28 de marzo).

Se se realiza o ingreso unha vez transcorridos os prazos establecidos no dito artigo 20 do R.X.R., esixiranse os correspondentes xuros de demora, segundo o artigo 21 da Lei 11/1992, do 7 de outubro (DOG nº 200, do 14 de outubro), de réxime financeiro e presupostario de Galicia.

Transcorridos 6 meses desde a finalización sen que se produxese a cobranza, iniciarase o período executivo.

Contra esta liquidación poderase interpoñer no prazo de 15 días, a partir do seguinte a esta notificación, recurso de reposición ante o órgano emisor ou, no mesmo prazo, reclamación económico-administrativa ante o Tribunal Económico-Administrativo da Comunidade Autónoma.

Para que conste, para que sirve de notificación ó interesado, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, expido, asino e selo esta cédula en Burela, 21 de marzo de 2001.

Ramón Ares Rico

Director xerente do Hospital da Costa de Burela (Lugo)

ANEXO