Outorgada a declaración de utilidade pública que leva implícita a urxente ocupación dos bens e dereitos afectados polas instalacións do parque eólico Masgalán-Campo do Coco, con 75 aeroxeradores de potencia unitaria 660 kW, potencia total 49,50 MW, sito nos termos municipais de Forcarei e Silleda (expediente IN661A 99/2-4), por resolución da Consellería de Industria e Comercio do 15 de febreiro de 2001 a favor da entidade beneficiaria Gamesa Energía, S.A., con domicilio para efectos de notificacións na avenida do Cruceiro da Coruña, 201 A, 15705 Santiago de Compostela (A Coruña).

Esta delegación acorda sinala-los días 10, 11 e 14 de maio de 2001, no concello de Forcarei, como punto de reunión previo, sen prexuízo de desprazarse posteriormente ó terreo para o levantamento das actas previas á ocupación, de conformidade cos artigos 52 da Lei de expropiación forzosa, do 16 de decembro de 1954, e 56 do seu Regulamento do 26 de abril de 1957, nas que se describirán os bens ou dereitos expropiables que son obxecto de expropiación forzosa, servidumes permanentes de paso e ocupación temporal por obras, contidos na relación de predios que se xunta e se expón con esta resolución no taboleiro de edictos do Concello de Forcarei, deducida da que se someteu a información pública no Diario Oficial de Galicia do 1 de marzo de 2000, e a súa corrección de erros publicada no mesmo diario con data do 16 de marzo de 2000; actos ós que deberán concorre-los propietarios propostos dos predios afectados, ós que se lles practicará notificación individual, sinalándoselle-la data e hora

do levantamento efectivo das actas.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e, así, dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

Pontevedra, 29 de marzo de 2001.

Carmen Bianchi Valcarce

Delegada provincial de Pontevedra

Relación de predios a expropiación

Parque eólico Masgalán-Campo do Coco