Visto o texto da revisión salarial correspondente ó ano 2000 do convenio colectivo do sector téxtil da provincia da Coruña (código convenio 1500345) que tivo entrada nesta delegación provincial o día 9-3-2001, subscrito en representación da parte económica pola Asociación Provincial de Empresarios de Comercio Téxtil da Coruña, e, da parte social por CIG, CC.OO. e UGT o día 8-3-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autó

noma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 22 de marzo de 2001.

María Silva Costoya

Delegada provincial da Coruña

Acta da comisión paritaria do convenio colectivo

de comercio téxtil da Coruña (8-3-2001)

Asistentes:

-Pola parte empresarial: Julio Diéguez, Julia Pardo Lale, Jerónimo Barro Pascual (Asociación Provincial de Empresarios de Comercio Téxtil da Coruña), Marina Graña (asesora xurídico-laboral CEC).

-Pola parte social: Luis Soto (CIG), José Ramón Grela (CC.OO.), Nieves Montes (UGT).

Na Coruña, ás 10.30 horas do día 8 de marzo de 2001, nos locais da Confederación de Empresarios da Coruña, reúnense as partes arriba indicadas co obxecto de levar a cabo a aplicación da cláusula de revisión salarial establecida no artigo 7 do convenio colectivo téxtil da provincia da Coruña.

Procédese a levar a cabo a revisión salarial que establece o citado artigo 7, polo excedo do IPC do ano 2000, recalculándose as táboas do ano 2000, que serán o resultado de aplicar un incremento do 4% sobre as táboas do ano 1999. As táboas salariais resultantes servirán de base para a negociación do convenio do ano 2001, non tendo carácter retroactivo.

Acórdase facultar a Mariña Graña Bermúdez (asesora laboral da CEC) para a presentación da documentación necesaria ante a delegación da Consellería de Xustiza, Interior e Relacións Laborais, para o rexistro e publicacióin desta acta e as novas táboas salariais do ano 2000.

E non tendo máis asuntos que tratar, levántase a sesión, ás 11.30 horas da data arriba indicada.

Rubricado

Táboas salariais convenio comercio téxtil A Coruña ano 2000