Visto o expediente de caducidade número C-1069, instruído contra a licencia e concesión administrativa da granxa mariña situada en Porto do Son, titularidade de Manuel Blanco Campos.
1. Feitos.
-Con data do 3-1-2000 foi ordenado pola Delegación Territorial da Consellería de Pesca, Marisqueo e Acuicultura na Coruña o inicio do expediente de caducidade da antedita licencia e concesión administrativa, por non realizarse as obras dentro do prazo legal para iso e, polo tanto, non poñerse en explotación dentro do dito prazo, así como por non solicitar prórroga dentro do prazo legalmente establecido.
-O acordo de inicio do expediente de caducidade e o nomeamento de instructor e secretario do dito expediente foi comunicado ó interesado con data do 18-1-2000, o cal non formulou alegacións dentro do prazo concedido.
-A proposta de resolución do expediente de caducidade foille comunicada ó interesado con data do 2-3-2000, sen que este formulara alegacións dentro do prazo establecido legalmente.
2. Fundamentos de dereito.
-Lei 6/1993, do 11 de maio, de pesca de Galicia.
-Lei 22/1988, do 29 de xullo, de costas.
-Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre.
-Real decreto 1471/1989, do 1 de decembro, polo que se aproba o Regulamento xeral para o desenvolvemento e execución da Lei 22/1988, do 28 de xullo, de costas e demais disposicións de pertinente aplicación.
Esta consellería, á vista da proposta de resolución emitida polo instructor do expediente,
RESOLVE:
Extingui-la licencia e concesión administrativa do seguinte establecemento de cultivos mariños:
-Tipo: granxa mariña.
-Titular: Manuel Blanco Campos (DNI número: 33.022.924).
-Localización: Punta Langaña. Municipio de Porto do Son (A Coruña).
-Especies: rodaballo (Psetta maxima) e robaliza (Dicentrachus labrax).
-Superficie de dominio público: 3.300 m.
-Superficie de dominio privado: 350 m.
-Orde de outorgamento: 12-2-1986 (DOG nº 7).
-Fin da vixencia: 13-1-1997.
Contra esta resolución que pon fin á vía administrativa poderase interpoñer recurso potestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción contencioso-administrativa, que se interporá no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada por Lei 4/1999, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, da xurisdicción contencioso-adminstrativa.
Santiago de Compostela, 21 de marzo de 2001.
P.D. (Orde 17-12-1997, DOG nº 246, do 22 de decembro)
Juan José Álvarez Pérez
Secretario xeral da Consellería de Pesca,
Marisqueo e Acuicultura
