Perante este Xurado Provincial de Montes Veciñais en Man Común tramítase o expediente de clasificación do monte coas características que a seguir se indican:

Expediente número: 12/2000.

Denominación: monte Serra de Moncaio, Serra da Parte e O Cornado.

Comunidade propietaria: veciños da parroquia da Parte.

Concello: Monforte de Lemos.

Superficie total: 119 hectáreas.

Estremas da parcela Serra de Moncaio-82 hectáreas:

Norte: predios particulares. Leste: termo municipal de Pobra de Brollón. Sur: devasa do monte Serra Pequena, Moncaio e O Cornado, pertencente á comunidade integrada polos veciños da parroquia de Reigada e predios particulares. Oeste: predios particulares.

Estremas da parcela Serra da Parte-27 hectáreas:

Norte: límite coa parroquia de Valverde, baixando desde a Serra da Parte ata os predios particulares das casas da Parte. Leste: predios particulares. Sur: predios particulares. Oeste: liña divisoria de augas coas parroquias de Valverde e Ribasaltas.

Estremas da parcela O Cornado-10 hectáreas:

Norte: predios particulares. Leste: predios particulares. Sur: devasa do monte Serra Pequena, Moncaio e O Cornado, pertencente á comunidade integrada polos veciños da parroquia de Reigada. Oeste: liña divisoria de augas e na máxima pendente que baixa desde o Coto do Cornado ata o encoro do río Cabe, e divide coa parroquia de Ribasaltas.

En virtude do acordado polo xurado na sesión que tivo lugar o día 14 de xuño de 2000 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989, e demais disposicións de aplicación, por este edicto faise pública a iniciación para a posible clasificación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas poidan comparecer e intervir no expediente iniciado e formularen perante o xurado, no prazo dun mes contado a partir do día seguinte ó da publicación deste edicto no Diario Oficial de Galicia, cantas alegacións coiden oportunas na defensa

dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

Lugo, 19 de marzo de 2001.

Luis González Vázquez

Presidente do Xurado Provincial de Montes

Veciñais en Man Común de Lugo