Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15000 A Coruña.
Denominación: L.M.T.S., C.T.C. e R.B.T.S. José Antonio, 79.
Situación: Ordes.
Descricións técnicas: liña eléctrica subterránea de media tensión, a 20 kV, baixo tubo e con conductor 2 R.H.V. 12/20 kV de 3(1x240) mm Al, de 156 m de lonxitude, con orixe no SME 809-Ordes e final no C.T. na avda. José Antonio, 79, que se vai instalar. Centro de transformación en soto edificio de vivendas de 400 kVA e tensións de 20/0,380-0,220 kV na avda. José Antonio, 79, do que parte rede de baixa tensión, de 189 m de lonxitude en conductor subterránea R.V. que se conecta á rede existente. Ordes.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.
A Coruña, 13 de marzo de 2001.
Jesús Espada Martínez
Delegado provincial da Coruña