Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15000 A Coruña.
Denominación: subestación Cesuras 66/15 kV.
Situación: Cesuras.
Descricións técnicas: ampliación da subestación eléctrica 66/15 kV de Cesuras, consistente en nova posición de liña de 66 kV para coxeración Losan-Aserpal integrada por cela blindada de liña de 66 kV, que contén interruptor tripolar, trafos de intensidade e tensión, seccionadores con PAT para barras e liña conxunto de proteccións para liña e equipo de medida. Cesuras.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 9 de marzo de 2001.
Jesús Espada Martínez
Delegado provincial da Coruña