Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos 34/2001, seguidos por instancia de Benito Tilve Balladares contra Estudios y Construcciones en Mera, S.L. sobre despedimento, nos que recaeu sentencia en data 8-3-2001 que, copiada nos particulares necesarios, di así:

«Que, estimando a demanda formulada por Benito Tilve Balladares, declaro a improcedencia do seu despedimento e condeno a empresa Estudios y Construcciones en Mera, S.L. a que, á súa escolla, que se debe efectuar no prazo de cinco días, o readmita no seu posto e condicións de traballo ou o indemnice coa cantidade de 270.898 pesetas, con aboamento, en todo caso, dos salarios deixados de percibir desde a data do despedimento ata a de notificación desta sentencia, que ata a data ascenden á cantidade de 386.880 pesetas».

Notifíqueselle a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte o da súa notificación.

Prevense á empresa demandada que para recorrer deberá acreditar ter ingresado na c/c de consignacións código 5604.0000.60 34.2001 do Banco Bilbao-Vizcaya desta cidade, denominada Conta do Xulgado do Social número tres, o importe da condena e 25.000 pesetas en concepto de depósito, requisitos sen os cales non será admitido a trámite o recurso e quedará firme a sentencia.

Así mesmo advírteselle á parte demandada que, se fai uso de tal dereito, optando pola readmisión, durante a sustanciación do procedemento deberá aboarlle á parte demandante o mesmo salario que

percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.

Así, por esta miña sentencia, da que se unirá certificación ós autos orixinais para a súa notificación e cumprimento, o pronuncio, mando e asino.

E para que conste, para efectos da súa publicación no Diario Oficial de Galicia a fin de que sirva de notificación en forma á empresa Estudios y Construcciones en Mera, S.L., expido e asino a presente cédula na Coruña o 16 de marzo de 2001.

O secretario xudicial

Rubricado