Advertido erro no texto da citada orde, publicada no DOG nº 34, do venres 16 de febreiro, cómpre publica-las correccións seguintes:

No parágrafo 8º da introducción, páxina 2.102, onde di: «...desenvolve o disposto no artigo 1º do Real decreto 1640/1999, do 22 de outubro (BOE do 27)...», debe dicir: «...desenvolve o disposto no artigo 1º do Real decreto 1640/1999, do 22 de outubro (BOE do 27), modificado polo Real decreto 990/2000, do 2 de xuño...».

No artigo 2º, páxina 2.102, onde di: «A proba de acceso á universidade, que se realizará en chamamento único por convocatoria, calquera que sexa a modalidade cursada, versará sobre os contidos das materias do bacharelato», debe dicir: «A proba de acceso á universidade, que se realizará en chamamento único por convocatoria, calquera que sexa a modalidade cursada, versará sobre os contidos das materias do segundo curso do bacharelato».

No artigo 5º.2, páxina 2.103, onde di: «A primeira parte, de carácter xeral, versará sobre as materias comúns do bacharelato...», debe dicir: «A primeira parte, de carácter xeral, versará sobre as materias comúns do segundo curso do bacharelato...».

No artigo 5º.2 a), páxina 2.103, onde di: «Composición dun texto sobre un tema ou cuestión de carácter histórico ou filosófico a partir de diversas fontes documentais incluídas na proposta de exame.», debe dicir: «Composición dun texto sobre un tema ou cuestión de carácter histórico a partir de diversas fontes documentais incluídas na proposta de exame.»,

No artigo 5º.3, páxina 2.103, onde di: «A segunda parte da proba, de carácter específico, versará sobre tres materias propias de modalidade», debe dicir: «A segunda parte da proba, de carácter específico, versará sobre tres materias propias de modalidade do segundo curso».