O Consello da Xerencia Municipal de Urbanismo, en sesión do 1 de marzo de 2001, tomou coñecemento do avance do Plan especial de reforma interior 3 Canicouva (Castrelos) 06.10 (expediente 6276/411), de iniciativa municipal, redactado polos arquitectos Carlos Quintas Martínez e José Benito Álvarez González, con visado do COAG de data 6 de novembro de 2000, así como das suxestións formuladas ó mesmo pola oficina técnica municipal de planeamento.
Sométese o expediente ó trámite de información pública, polo prazo dun mes, mediante anuncio que se publicará no DOG e nun dos xornais de maior circulación da provincia a fin de que, polas distintas entidades e particulares, se poidan formula-las suxestións que estimen oportunas e presentar propostas e convenios urbanísticos que estimen procedentes.
O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 15 de marzo de 2001.
Lois Pérez Castrillo
Alcalde-presidente da Xerencia Municipal
de Urbanismo