De conformidade coa proposta elevada pola comisión constituída para xulga-lo concurso convocado por resolución desta universidade do 18 de maio de 2000 (BOE do 15 de xuño) para a provisión da praza de profesora titular de universidade da área de coñecemento de ciencia política e da administración, do departamento de Socioloxía e Ciencia Política e da Administración da Universidade de Santiago de Compostela, a favor de María Nieves Lagares Díez tendo en conta que a interesada cumpre os requisitos a que alude o punto 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María Nieves Lagares Díez profesora titular de universidade da área de coñecemento de ciencia política e da administración, do departamento de Socioloxía e Ciencia Política e da Administración da Universidade de Santiago de Compostela.
Santiago de Compostela, 9 de marzo de 2001.
F. Darío Villanueva Prieto
Rector da Universidade de Santiago de Compostela