De conformidade co establecido no artigo 43 do Regulamento de montes, do 22 de febreiro de 1962, e á vista do disposto no artigo 13 da Lei 13/1989, do 10 de outubro, de montes veciñais en man común, e no Real decreto 1535/1984, do 20 de xuño, polo que se transfiren á Comunidade Autónoma de Galicia competencias en materia de conservación da natureza, esta consellería, logo da proposta da Dirección Xeral de Montes e Medio Ambiente Natural,
DISPÓN:
Artigo único.-Dar de baixa do Catálogo de Montes de Utilidade Pública, por quedaren firmes as resolucións do Xurado Provincial de Montes, que o clasifica como veciñal en man común, o seguinte:
Número: 26.
Concello: Negueira de Muñiz.
Nome: Pena dos Mosqueiros.
Pertenza: parroquia de Barcela.
Límites.
Norte: con monte da parroquia de Morelli.
Leste: con propiedades particulares.
Sur: con propiedades particulares.
Oeste: con propiedades particulares.
Especie: queiroga.
Cabida total: 125 ha.
Cabida forestal: 125 ha.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia, e en contra delo, poderase interpoñer recurso de reposición con carácter potestativo perante o conselleiro de Medio Ambiente no prazo dun mes, ou ben interpoñer directamente o recurso contencioso-administrativo perante o Tribunal Superior de Xustiza de Galicia no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdicción contencioso-administrativa, ou exercer calquera outro que coide pertinente.
Santiago de Compostela, 3 de abril de 2001.
José Carlos del Álamo Jiménez
Conselleiro de Medio Ambiente