Vista a acta da revisión salarial para o ano 2000 do convenio colectivo do sector de rematantes e serradores de madeira, con nº de código 3601075, que tivo entrada nesta delegación provincial o día
23-2-2001, subscrito en representación da parte económica polo Grupo Provincial de Rematantes y Aserradores de Maderas, e da parte social, polas centrais sindicais CC.OO., UGT e CIG, en data 14-2-2001. De conformidade co disposto no artigo 25 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios
da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 27 de febreiro de 2001.
Antonio Coello Bufill
Delegado provincial de Pontevedra
Convenio colectivo de traballo do sector de rematantes e serradores de madeiras da provincia de Pontevedra
Asistentes.
CC.OO.:
Marcos González Oliveira.
UGT:
Ramón Carrera Molares.
CIG:
Xosé Xoán Melón González.
Representación empresarial:
Antonio Luis Pérez Giménez.
Jesús Baquero Moreira.
Juan José Busto Rodríguez.
Secretaria de actas:
Ana Mª Martín Herrero.
En Vigo, nos locais da Confederación Provincial de Empresarios de Pontevedra, sendo as dezaoito horas do día catorce de febreiro de dous mil un reúnese a comisión paritaria do convenio colectivo de traballo do sector de rematantes e serradores de madeiras da provincia de Pontevedra, co obxecto de aplica-la cláusula de revisión salarial establecida no artigo 25 do convenio para o ano dous mil. Asisten os señores sinalados arriba.
Para 2000 o convenio colectivo establece un incremento salarial do 3,9%. O IPC do 31 de decembro de 2000 rexistrou un incremento respecto do 1 de xaneiro do 4%, polo que en aplicación do artigo 25 do convenio debe efectuarse unha revisión salarial do 0,1% que se pagará con efectos do 1 de xaneiro de 2000 de acordo coa táboa salarial anexa.
ANEXO
Táboa salarial 2000
base antigüidade total
Salario
Compensación
Retribución
Persoal de fábrica e monte
Encargado xeral 98.402 4.395 102.797
Encargado de sección e producción 96.383 4.395 100.778
Oficial de 1ª, xefe de grupo, serrador de 1ª, galerista de 1ª, afiador e conductor de camión 95.699 4.395 100.094
Oficial de 2ª, serrador de 2ª, galerista de 2ª, tronzador mecánico, motoserrista, tractorista, carretilleiro e operario de escavadora 92.639 4.395 97.034
Axudante de afiador, axudante de serrador, serrador de serra circular, cortador e garda 89.482 4.395 93.877
Peón, medidor e especialista de secadoiro 88.798 4.395 93.193
Aprendiz ou pinche de 16 e 17 anos 83.981 4.395 88.376
Persoal administrativo e técnico
Xefe de oficina, xefe de ofinica técnica, analista programador ou de sistemas 106.114 4.395 110.509
Oficial de 1ª, delineante técnico especialista, programador 99.122 4.395 103.517
Oficial de 2ª, delineante técnico auxiliar, operador 93.655 4.395 98.050
Viaxante e corredor de praza 91.820 4.395 96.215
Auxiliar administrativo, telefonista 87.567 4.395 91.962
Acórdase a súa remisión á autoridade laboral co obxecto do seu rexistro e posterior publicación no Diario Oficial de Galicia e BOP. Autorízase a Ana Mª Martín Herrero para levar a cabo as xestións necesarias. Non tendo máis asuntos que tratar, levántase a sesión sendo as dezaoito horas do día arriba indicado.