Vista a acta da revisión salarial para o ano 2000 do convenio colectivo para o sector de carpintería de ribeira, con nº de código 3600205, que tivo entrada nesta delegación provincial o día 14-2-2001, subscrito en representación da parte económica pola Asociación Provincial de Empresarios de la Madera (Asema), e da parte social, polas centrais sindicais CC.OO., UGT e CIG, en data 6-2-2001. De conformidade co disposto no artigo 17 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 20 de febreiro de 2001.
Antonio Coello Bufill
Delegado provincial de Pontevedra
Convenio colectivo do sector de carpintería
de ribeira da provincia de Pontevedra
Asistentes:
CC.OO.:
Francisco Estévez Rodríguez.
CIG:
Alberto Fernández Campo.
UGT:
Ramón Carrera Molares.
Representación empresarial:
Mario Cardama Barrientos.
Ángel Montenegro.
Concepción Nieto.
Secretaria de actas:
Ana Mª Martín Herrero.
En Vigo, nos locais da Confederación de Empresarios de Pontevedra, sendo as dezaseis trinta horas do día seis de febreiro de dous mil un, reúnese a comisión paritaria do convenio colectivo de traballo do sector de carpintería de ribeira da provincia de Pontevedra co obxecto de aplica-la cláusula de revisión salarial establecida no convenio.
O artigo 17º.-Revisión salarial, establece que no caso de que o IPC rexistrase o 31 de decembro de 2000 un incremento superior ó 2% efectuarase unha revisión salarial no exceso sobre a indicada cifra. O IPC do 31 de decembro dese ano rexistrou un incremento do 4%, polo que debe efectuarse unha revisión salarial do 2% que se pagará con efectos do 1 de xaneiro de 2000, e que afecta os seguintes conceptos económicos:
ANEXO I
Táboa salarial
base consolidada
Salario
Antigüidade
* Xeral Encargado 4.290 235 Calafate 3.763 206 Axudante de calafate 3.670 201 Oficial 1ª 4.004 220 Oficial 2ª 3.763 206 Axudante 3.670 201 Peón especializado 3.637 199 Peón 3.590 197 Aprendiz 2º ano 3.093 170 Aprendiz 1º ano 2.895 159
* Sección pintura Encargado 4.004 220 Oficial 1ª 3.763 206 Oficial 2ª 3.724 204 Axudante 3.670 201
* Administrativos Xefe 166.967 9.157 Oficial 1º 147.244 8.075 Oficial 2º 119.357 6.545 Auxiliar administrativo 107.116 5.874 Aspirante 87.987 4.825
* Subalternos Capataz de peóns 110.172 6.042 Porteiros e almacenista 104.058 5.707
Artigo 21º.-Complemento de transporte.
605 pesetas diarias.
Artigo 22º.-Desgaste de ferramentas.
245 pesetas por día traballado.
Artigo 23º.-Complemento de asistencia.
4.112 pesetas mensuais.
Acórdase a súa remisión á autoridade laboral co obxecto do seu rexistro e posterior publicación no Diario Oficial de Galicia e BOP. Autorízase a Ana Mª Marín Herrero para levar a cabo as xestións necesarias. Non habendo máis asuntos que tratar, levántase a sesión sendo as dezasete trinta horas do día arriba indicado.
