Detectado erro na resolución da Universidade de Vigo do 16 de marzo de 2001 (DOG nº 66, do 3 de abril), pola que se convocaron probas selectivas para a provisión de once prazas de técnicos especialistas de bibliotecas, vacantes no cadro de persoal laboral desta universidade, procédese á súa corrección:
A base 1.1 queda redactada como segue:
1.1.Convócanse probas selectivas para cubrir con persoal laboral fixo once prazas de técnicos especialistas de biblioteca do grupo III, polo sistema de promoción interna e sistema xeral de acceso libre. A esta oferta inicial de prazas poderanse acumular aqueloutras que se poidan crear ou xerar antes do remate do proceso selectivo.
A base 1.2 queda redactada como segue:
1.2. Reservarase o 50% das prazas á quenda de promoción interna. De non cubrirse as prazas reservadas a promoción interna ofertaranse para a súa provisión polo sistema de acceso xeral libre.
Neste sentido, a fase de oposición do sistema de promoción interna rematará antes que a correspondente ó sistema xeral de acceso libre.
A base 2.2. queda redactada como segue:
2.2. Os aspirantes que concorran ás probas pola quenda de promoción interna deberán pertencer ó cadro de persoal laboral fixo da Universidade de Vigo e a unha categoría profesional distinta á das prazas convocadas por esta resolución.