A Comisión de Goberno, na sesión do 26 de febreiro de 2001, aprobou inicialmente o Plan Parcial do Polígono Único da Almáciga, promovido por Ibercelta, S.L.

O ámbito obxecto de ordenación está comprendido entre os seguintes lindes:

Norte: camiño público que linda co colexio Santiago Apóstolo, e traseiras dos edificos números 37 ó 43 da rúa de Betanzos.

Sur: traseiras dos edificios con fronte ó Campo da Angustia e á rúa da Costanilla do Monte (parcelas catastrais 63, 59, 31, 30, 29, 28, 36, 22 e 21 do polígono 79825).

Leste: rúa de Betanzos, no tramo comprendido entre os números 5 e 43, quedando fóra do ámbito os números 5, 13 ó 23, e 33 ó 43 da dita rúa.

Oeste: rúa da Costanilla do Monte, no tramo comprendido entre o número 20 desta rúa (excluído) e o número 65 da rúa de Teo (tamén excluído).

En cumprimento do que dispón o artigo 42.1º da Lei 1/1997, do solo de Galicia (LSG), o expediente sométese a información pública durante o prazo dun mes, contado desde o día seguinte ó da publicación deste anuncio no Diario Oficial de Galicia. Durante este prazo os interesados poderán consulta-lo expediente nas oficinas de planeamento e xestión, sitas no pazo de Raxoi, e formular por escrito as alegacións que xulguen oportunas.

Para os efectos do previsto no artigo 42.6º da LSG e co obxecto de que sirva de citación a tódolos propietarios de paradoiro ou identidade descoñecida que non poidan ser citados persoalmente para o trámite de información pública, publícase de seguido a relación das parcelas e propietarios afectados polo plan parcial.

Santiago de Compostela, 27 de marzo de 2001.

Luis Toxo Ramallo

Concelleiro delegado de Urbanismo