O Pleno do Concello de Salceda de Caselas, na sesión que tivo lugar o pasado día 28-2-2001, acordou aprobar definitivamente o estudio de detalle 07: zona estrada Salceda-Paramos e rúa de conexión coa vía rápida Salceda-O Porriño, promovido por Japanoel, S.L., polo que se dá cumprimento ó estipulado no artigo 48.2º da Lei 1/1997, do 24 de marzo, do solo de Galicia.
Contra o devandito acordo, que pon fin á vía administrativa, poderá interpoñerse recurso contencioso-administrativo, no prazo de dous meses contados desde o día seguinte ó da publicación deste anuncio, ante o Xulgado do Contencioso-Administrativo de Pontevedra.
Así mesmo, este anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, dos que se ignore o lugar de notificación ou intentada esta non se puidese practicar.
Salceda de Caselas, 26 de marzo de 2001.
José M. Fernández Rodríguez
Alcalde