O Servicio Galego de Saúde, por proposta da División de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:
Adquisición de equipamento de moblaxe para salas de reunión e zonas de espera con destino ó novo edificio da Consellería de Sanidade e Servicios Sociais/Sergas en San Lázaro, Santiago de Compostela (SCS-17/2001) (9 lotes).
Orzamento: vintenove millóns duascentas corenta e dúas mil cen pesetas, con IVE incluído (29.242.100 pesetas, con IVE incluído) (175.748,56 euros).
Lote nº 1: moblaxe de salas de reunións, 7.770.000 pesetas, 46.698,64 euros.
Lote nº 2: cadeiras de salas de reunións, 4.482.000 pesetas, 26.937,36 euros.
Lote nº 3: mobles auxiliares para salas de reunións, 1.449.000 pesetas, 8.708,67 euros.
Lote nº 4: encerados salas de espera, 702.000 pesetas, 4.219,10 euros.
Lote nº 5: sofás e butacas (área dirección), 8.043.000 pesetas, 48.339,40 euros.
Lote nº 6: mesas centro e cantoneiras, salas espera e despachos, 1.260.000 pesetas, 7.572,75 euros.
Lote nº 7: bancadas para salas de espera, 3.312.000 pesetas, 19.905,52 euros.
Lote nº 8: mesas para salas de espera, 761.600 pesetas, 4.577,31 euros.
Lote nº 9: papeleiras, 1.462.500 pesetas, 8.789,80 euros.
Garantía provisional: a garantía provisional é o 2% do importe de licitación.Ve-lo punto 11 da folla de especificacións do prego tipo de cláusulas administrativas particulares.
Forma de adxudicación: concurso público e procedemento aberto, polo trámite de urxencia.
Prazo de entrega: desde a petición, fabricación e montaxe, 30 días.
Admisión de variantes: cada licitador poderá presentar porposicións individuais ata un máximo de tres (oferta base más 2 variantes) proposición agrupadas de varios lotes, ata un máximo de dúas.
Solvencia económico-financeira e técnica: ve-lo punto 18 da folla de especificacións do prego tipo de cláusulas administrativas particulares para a dita contratación.
Criterios de adxudicación: os establecidos no punto 13 da folla de especificacións do prego tipo de claúsulas administrativas particulares.
Documento de interese para os licitadores: o prego tipo de cláusulas administrativas particulares e demais documentación complementaria estarán de manifesto e á disposición dos concursantes, para o seu exame, nos servicios centrais da División de Recursos Económicos; edificio administrativo de San Caetano, bloque 2-2º en Santiago de Compostela, tódolos días laborables, agás sábados, das 9 ás 14 horas.
Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do oitavo día natural contado a partir do seguinte ó da publicación desta resolución no DOG, ou enviadas por correo dentro de prazo sinalado. Cando as proposicións se envíen por correo, o licitador deberá xustifica-la data de imposición do envío na oficina de Correos e anunciarlle ó organo de contratación a remisión da oferta mediante fax (981 54 27 62) ou telegrama no mesmo día, de conformidade co artigo 100 do Regulamento xeral de contratación do Estado.
Apertura de proposicións: terá lugar na Consellería de Sanidade e Servicios Sociais, edificio administrativo San Caetano, bloque nº 2, 2ª planta, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que achegarán os licitadores: os documentos que figuran no prego de cláusulas administrativas particulares.
Anuncios: o pagamento do anuncio desta contratación de subministración será por conta do adxudicatario ou dos adxudicatarios do contrato.
Santiago de Compostela, 21 de marzo de 2001.
Antonio Fernández-Campa García-Bernardo
Director xeral da División de Recursos
Económicos