Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administra

tivo común, faise público que o Xurado Provincial de Montes Veciñais en Man Común de Lugo, na sesión que tivo lugar o 14 de decembro de 2000 na sala de xuntas da Delegación Provincial da Consellería de Medio Ambiente, baixo a presidencia do seu delegado provincial, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón, Manuel Veiga Franco e do secretario Luis Quiroga Arnal, dictou a resolución de amplia-la clasificación como veciñais en man común dos montes seguintes:

-Expediente número: 20/1977 (ampliación).

Denominación: monte: Teso do Curro, Castro de Goó e Valdofoxo, Freixedo, Tralo Marco, Restre, Tralo Chao, Serra de Abaixo e Lamela.

Comunidade propietaria: veciños da parroquia de Goó.

Superficie total: 83 hectáreas.

Concello: O Incio.

Estremas e perímetro da parcela nº 1-Teso do Curro-0,7 hectáreas:

Norte: camiño público. Leste: predios particulares de veciños da parroquia de Goó. Sur: predios particulares de veciños da parroquia de Goó e predios particulares de veciños do lugar de Bermún (parroquia do Viso). Oeste: predios particulares de veciños da parroquia de Goó.

Estremas e perímetro da parcela nº 2-Castro de Goó e Valdofoxo-42 hectáreas:

Norte: estrada de Bermún (parroquia do Viso) a Rubián de Cima, predios particulares da parroquia de Goó e predios particulares do lugar de Buxán (parroquia do Viso) e camiños de servidume. Leste: predios particulares da parroquia de Goó. Sur: predios particulares da parroquia de Goó e predios particulares de veciños do lugar de Lebaste. Oeste: estrada do Incio a Rubián de Cima, predios particulares do lugar da Pereira de Arriba, predios particulares do lugar de Viloira (parroquia de Santalla de Bardaos), predios particulares de veciños da parroquia de Goó e predios particulares de veciños do lugar de Buxán (parroquia do Viso).

Estremas e perímetro da parcela nº 3-Freixedo-8 hectáreas:

Norte: predios particulares de veciños da parroquia do Viso e camiño de servidume. Leste e sur: camiño de servidume e predios particulares da parroquia de Rendar. Oeste: predios particulares de veciños da parroquia de Goó.

Estremas e perímetro da parcela nº 4-Tralo Marco-1,3 hectáreas:

Norte e oeste: predios particulares de veciños da parroquia de Goó. Leste: predios particulares de veciños da parroquia de Rendar. Sur: estrada de Rendar ó Incio.

Estremas e perímetro da parcela nº 5-Restre-1,5 hectáreas:

Norte, leste e sur: predios particulares dos veciños da parroquia de Goó. Oeste: estrada de Goó a Vilasouto e predios particulares dos veciños da parroquia de Goó.

Estremas e perímetro da parcela nº 6-Tralo Chao-2,5 hectáreas:

Norte, leste, sur e oeste: pistas de servicio e predios particulares de veciños do lugar de Lebaste.

Estremas e perímetro da parcela nº 7-Serra de Abaixo-24 hectáreas:

Norte: estrada de Bermún (parroquia do Viso) a Rubián de Cima e predios particulares do lugar de Lebaste. Leste: predios particulares do lugar de Lebaste. Sur: estrada do encoro de Vilasouto. Oeste: devasa perimetral do monte de Vilasouto, elenco nº 2715021, conveniado coa Xunta de Galicia.

Estremas e perímetro da parcela nº 8-Lamela-3 hectáreas:

Norte: predios particulares dos veciños do lugar da Pereira de Arriba. Leste: predios particulares do lugar de Lebaste. Sur e oeste: pista de servicio e predios dos veciños do lugar da Pereira de Arriba.

Expediente número: 26/77 (ampliación).

Denominación: monte de Sirgueiros (parcelas: Agra, Serra, Bustela, Val da Costa e Pena da Roda).

Comunidade propietaria: veciños da parroquia de Sirgueiros.

Superficie total: 65 hectáreas.

Concello: O Incio.

Estremas da parcela nº 1-Agra-0,8 hectáreas:

Norte, leste e oeste: predios particulares de veciños da parroquia de Toldaos. Sur: camiño de servidume coa dirección Sirgueiros-Reboredo, que entesta con predios particulares de veciños da parroquia de Toldaos.

Estremas da parcela nº 2-Serra-48,8 hectáreas:

Norte: predios particulares de veciños da parroquia de Sirgueiros. Leste: predios particulares da parroquia de Toldaos. Sur: camiño real que entesta co monte veciñal en man común do Hospital do Incio e predios particulares de veciños da parroquia da Cruz do Incio. Oeste: predios particulares de veciños da parroquia de Sirgueiros.

Estremas da parcela nº 3-Bustela-4,1 hectáreas:

Norte, leste e oeste: poligonal dos predios particulares que rodean a parcela. Sur: monte veciñal en man común da Cruz do Incio.

Estremas da parcela nº 4-Val da Costa-8 hectáreas:

Norte, leste, sur e oeste: poligonal dos predios particulares que rodean a parcela.

Estremas da parcela nº 5-Pena da Roda-3,3 hectáreas:

Norte e oeste: camiño de servidume que entesta co monte veciñal en man común de Rendar e predios particulares de veciños da parroquia de Rendar. Sur e leste: predios particulares de veciños das parroquias de Rendar e Sirgueiros.

Contra esta resolución e desde a súa notificación ou publicación poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.

Lugo, 14 de decembro de 2000.

Luis González Vázquez

Presidente do Xurado Provincial de Montes

Veciñais en Man Común de Lugo