Visto o texto da acta levantada pola comisión mixta paritaria do convenio colectivo para o sector da hostalería de Ourense asinando a revisión das táboas salariais do ano 2000 (código de convenio 3200215, publicado no BOP nº 126, do 3 de xuño de 2000), con entrada nesta delegación provincial o día 1-2-2001, subscrito pola comisión mixta paritaria do citado convenio colectivo o día 31-1-2001, de conformidade co disposto no artigo 90.2º e 3º do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo e demais normas aplicables de dereito común,
Esta delegación provincial,
ACORDA:
Primeiro.-Ordena-la inscripción no libro rexistro de convenios colectivos de traballo, desta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Ourense, 12 de febreiro de 2001.
José Lage Lage
Delegado provincial de Ourense
Acta
Reunidos os membros da comisión mixta paritaria estipulada no capítulo VI, disposición adicional primeira do convenio colectivo provincial de hostalería, publicado no BOP nº 126, do 3 de xuño de 2000, en Ourense, sendo as 10 horas do día 31 de xaneiro de 2001, co obxecto de dar cumprimento ó establecido no artigo 34 do texto do convenio,
ACORDAN:
Primeiro.-Os conceptos salariais que se van revisar son a táboa salarial e os establecidos no artigo 28, na contía do 2% (diferencia entre o IPC previsto e o IPC real de 2000). As ditas cantidades especifícanse no anexo I desta acta única.
Segundo.-As diferencias salariais deste incremento aboaranse mediante un único pago no primeiro trimestre do presente ano, que será igual á diferencia do salario percibido e o que debía percibir no período comprendido entre o 1-1-2000 ó 31-12-2000, segundo cada categoría.
Terceiro.-Enviar á Delegación de Xustiza, Interior e Relacións Laborais da Xunta de Galicia, copia do presente acordo para a súa aprobación e posterior publicación nos boletíns correspondentes.
Firmado:
José Alcaine
Antonio Diéguez Vidal
Emilio González
José Carlos Vázquez Soto
José Gómez Gómez
Concepción López Caride
Carlos Vázquez Castro
ANEXO I
Artigo 28º.-Complementos en especie: 3.244 pesetas, 1.297 pesetas e 1.103 pesetas.
Táboa salarial
ANEXO III
profesionais
Grupos
1ª categoría 2ª categoría 3ª categoría 4ª categoría
1 143.847 140.465 137.095 133.742 2 133.742 130.341 126.966 123.596 3 126.329 122.956 119.581 116.202 4 112.832 109.456 109.456 106.247 5 101.542 98.166 94.793 94.793 6 96.483 96.483 94.793 94.793 7 96.483 96.483 94.793 94.793