A Alcaldía-Presidencia, con data do 15 de marzo de 2001, dictou a seguinte resolución:

«Primeiro.-Incoar expediente para a aprobación de bases e estatutos da xunta de compensación que se vai constituír para a execución do polígono G2.01 (Ronda de Monte Alto) do Plan Xeral de Ordenación Municipal vixente.

Segundo.-Aprobar inicialmente o proxecto de bases e estatutos presentado por Ángel López Martínez en nome e representación da comisión xestora constituída para estes efectos.

Terceiro.-Ordena-la citación persoal no expediente a aqueles que aparezan como interesados na súa calidade de titulares de bens e dereitos afectados, así como a publicación no Diario Oficial de Galicia e no BOP do anuncio correspondente segundo modelo oficial que se xunta, facultando a comisión xestora e, no seu nome a César Pérez Maldonado como secretario dela para a súa presentación e dilixenciamento ante o órgano correspondente.

O que se fai público de conformidade co disposto no artigo 133.4º en relación co 102, ambos da Lei 1/1997, do 24 de marzo, do solo de Galicia (BOE nº 103, do 30 de abril), advertindo os interesados de que o expediente se encontra a súa disposición nas oficinas de Xestión do Servicio de Urbanismo, sitas na avda. da Mariña nº 18, entre as 12 e as 14 horas de luns a venres durante o prazo de 20 días a partir da publicación ou notificación do acordo que se traslada, onde poderá consultalo e presentar cantas alegacións teña por conveniente na defensa dos seus dereitos.

A Coruña, 15 de marzo de 2001.

O alcalde

P.D.

Salvador Fernández Moreda