Eu, Jaime Balado Yáñez, secretario xudicial do Xulgado do Social número dous da Coruña dou fe e testemuño que en autos seguidos perante este xulgado do social tramitados baixo o número 443/2000 por instancia de Isabel López Carreras, contra empresa Sohonem Galicia, S.L. e outros sobre cantidade, dictouse a seguinte sentencia:
Na cidade da Coruña, o 15 de febreiro de 2001. Jorge Hay Alba, maxistrado-xuíz do Social número dous desta cidade, viu os presentes autos de xuízo número 443/2000 seguidos por instancia de Isabel López Carreras, maior de idade, asistida pola letrada Cristina Gómez Lozano, contra a empresa Sohonem Galicia, S.L., que non comparece, Mª Jesús de la Cal Sardina, maior de idade, asistida polo letrado Ricardo Turienzo Veiga; e o Fogasa, que non comparece; sendo o obxecto da reclamación, cantidade
Seguen feitos e fundamentos de dereitos.
Decido que debo estimar y estimo parcialmente a demanda interposta por Isabel López Carreras contra a empresa Sohonem Galicia, S.L., Mª Jesús de la Cal Sardina e Fogasa, condenando a demandada empresa Sohonem Galicia, S.L. a aboar á actora a cantidade de 32.600 pesetas, absolvéndose a Mª Jesús de la Cal Sardina e a Fogasa, sen prexuízo da responsabilidade subsidiaria desta entidade.
Notifíqueselles esta resolución ás partes ás que fará saber que contra a referida non cabe recurso ningún.
Así, por esta miña sentencia definitivamente xulgando en primeira instancia, pronúncioo, mándoo e asínoo.
E para que sirva de notificación á empresa Sohonem Galicia, S.L. mediante a súa publicación no Diario Oficial de Galicia, que ten o seu enderezo descoñecido, expido e asino a presente cédula na Coruña o quince de febreiro de dous mil un.
O secretario xudicial
Rubricado