Visto o texto da revisión salarial para o ano 2001 do convenio colectivo do sector da construcción da provincia da Coruña (código convenio 1500395), que tivo entrada nesta delegación provincial con data do 1 de febreiro de 2001, subscrito pola comisión paritaria do convenio colectivo integrada en representación da parte económica por APECCO e da parte social por UGT e CC.OO. o día 31-1-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autó
noma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 9 de febreiro de 2001.
María Silva Costoya
Delegada provincial da Coruña
Acta número 2 ano 2001
Convenio construcción provincia da Coruña
Comisión paritaria:
Asistentes:-Por APECCO:
Silviano Pizarro Gómez.
Benigno López Bueno.
Antonio Fernández Durán.
Antonio Fernández Chao (asesor).
Miguel García Eiroa (secretario).
Por UGT:
Celestino Pérez Vázquez.
Pedro Marcote Álvarez.
Por CC.OO:
Santiago Huertas Pozurama.
Emilio Pérez Lage.
Argimiro González Pérez.
Na cidade da Coruña, o 31 de xaneiro de 2001, sendo as 17 horas, reúnense nos locais de APECCO, os señores que arriba se relacionan, membros da comisión paritaria para revisar e actualizar (segundo o artigo 6º) o convenio colectivo de construcción 1999-2001, asinado o 21 de xullo de 1999 (enmarcado dentro do Acordo sectorial nacional e do convenio xeral do sector da construcción-CGSC).
Aberta a sesión e logo dunha ampla deliberación, acórdase:
Primeiro.-Proceder á regularización das táboas do ano 2000 (ó 31 de decembro de 2000) de acordo co previsto no artigo 7º do vixente convenio modificado por acta da comisión paritaria do 11-9-2000.
Segundo.-Aprobar por unanimidade as táboas salariais para o ano 2001 que se achegan á presente acta, e as seguintes modificacións do convenio 1999-2001:
Artigo 6º.-Incremento económico.
Para o ano 2001 aplicarase un incremento de 2,90% (IPC+0,90) sobre os conceptos de salario base, gratificacións extraordinarias, retribución de vacacións e complementos salariais e extrasalariais.
Artigo 7º.-Cláusula de garantía salarial ano 2001.
No suposto de que o incremento anual do índice de prezos ó consumo (IPC) do 31 de decembro de
2001 supere o 2,5% efectuarase unha revisión económica sobre o exceso do dito tanto por cento, para efectos de que sirva de base para a negociación colectiva seguinte.
A dita revisión, se é o caso, afectará ós conceptos previstos no artigo 6º do presente convenio.
Artigo 19º.-Desgaste de ferramentas.
O persoal con dereito a percibir compensación económica por desgaste de ferramenta aboaráselle na contía mínima de 73 pesetas por día traballado para o ano 2001.
Artigo 24º.-Axudas por desprazamento.
O persoal con dereito a axudas de custo percibirá por día efectivo de traballo, as cantidades que se sinalan:
-Axuda de custo completa: 3.250 pesetas/diarias.
-Media axuda de custo: 1.260 pesetas/diarias.
Artigo 39º.-Xornada de traballo.
Establécese unha xornada laboral para o ano 2001 de 40 horas semanais de traballo efectivo, o que supón un cómputo anual de traballo efectivo de 1.756 horas, segundo o calendario laboral publicado no BOP número 8 con data 11 de xaneiro de 2001.
Así mesmo, facúltase a Miguel García Eiroa, secretario, para a presentación das táboas salariais e modificacións do convenio citado ante a Delegación Provincial de Xustiza, Interior e Relacións Laborais da Xunta de Galicia, para efectos da súa homologación e posterior publicación no BOP no Diario Oficial de Galicia.
En proba de conformidade asínase a presente acta no lugar e data máis arriba indicados.
Rubricado
Táboa de retribucións ano 2001
Vixencia do 1-1-2001 ó 31-12-2001
efectivo de traballo)
anual hora
transporte
Nivel Categorías Salario Complemento (por día
Gratificacións Vacacións Total
Valor
Día Mes Asistencia Distancia e
Xullo Nadal extra
II Titulado superior 6.966 208.969 907 888 282.090 282.090 282.090 3.579.316 2.392
III Titulado medio, xefe admvo. 1ª, xefe secc. org. 1ª 5.551 166.536 907 722 228.510 228.510 228.510 2.911.706 1.951
IV Xefe de persoal, axte. de obra, encargado xeral de fábrica, encargado xeral 5.308 159.234 907 693 219.256 219.256 219.256 2.796.759 1.878
V Xefe administrativo de 2ª, delineante superior, encargado xeral de obra, xefes de sección de organización científica do traballo de 2ª, xefes de compras 4.837 145.102 907 638 201.398 201.398 201.398 2.574.284 1.741
VI Ofic. admvo. de 1ª, delineante de 1ª, xefe ou encargado de taller, encargado de sección de laboratorio, escultor de pedra e mármore, práctico de topografía de 1ª, técnico de organización, encargado de obra 4.123 123.679 907 555 174.458 174.458 174.458 2.237.752 1.521
VII Delineante de 2ª, técnico de organización de 2ª, práctico de topografía de 2ª, analista de 1ª, viaxante, especialista de oficio, capataz 3.664 109.934 907 551 158.913 158.913 158.913 2.026.603 1.395
VIII Oficial admvo. 2ª, corredor de praza, inspector de control, sinalización e servicios, analista de 2ª, oficial de 1ª de oficio 3.587 107.605 907 540 155.528 155.528 155.528 1.988.124 1.374
IX Auxiliar admvo., axte. topográfico, aux. organiz., vendedor, conserxe, oficial 2ª de oficio 3.508 105.244 907 530 152.599 152.599 152.599 1.950.660 1.353
X Auxiliar de laboratorio, vixilante, almaceneiro, enfermeiro, cobrador, garda xuramentado, especialista de 1ª, axudante de oficio 3.399 907 515 147.722 147.722 147.722 1.896.233 1.322
XI Especialista de 2ª, peón especial 3.375 907 512 146.948 146.948 146.948 1.885.131 1.322
XII Limpadora, peón ordinario 3.307 907 503 144.273 144.273 144.273 1.852.175 1.280
XIII Mozo dos recados e pinches de 16 a 18 anos 2.736 662 408 116.981 116.981 116.981 1.503.994
As categorías que se indican, cunha antigüidade na empresa anterior ó 1-6-1992, rexeranse para efectos económicos polos seguintes niveis: nivel VII: oficial 2ª administrativo; nivel VIII: aux. técnico y administrativo; nivel IX: listeiro.
Para as categorías, os devengos das cales son mensuais, multiplícase por trinta días e os complementos de asistencia, transporte e distancia por 22 días.
A retribución do traballador en prácticas durante o primeiro ano de vixencia será do 60% e para o segundo ano do 75% desta táboa.