Por medio deste anuncio faise saber que por parte do xefe do departamento de Xestión do Dominio Público Hidráulico do organismo autónomo Augas de Galicia, foi dictado acordo de convocatoria dunha visita de recoñecemento no expediente de extinción por causa de caducidade da concesión hidroeléctrica de referencia, transcribíndose a continuación o seu texto íntegro:

«Mediante resolución do presidente do organismo autónomo Augas de Galicia, do 25 de abril de 2000, acordouse a iniciación de oficio de expediente de extinción por caducidade ou non uso da concesión identificada no encabezamento.

Unha vez rematada a información pública a que se refire o artigo 165 do Regulamento do dominio público hidráulico, cómpre a realización da preceptiva visita de recoñecemento do aproveitamento, que terá lugar o vindeiro 9 de abril, ás 10.30 horas aproximadamente, trala cal se levantará acta dela segundo o disposto no citado regulamento.

O lugar de citación será a entrada principal da Casa do Concello de Ponte Caldelas para, a continuación, proceder ó recoñecemento das instalacións propias do aproveitamento».

O que se publica en cumprimento do disposto no punto cuarto do artigo 59 da Lei 30/1992, de réxime xurídico das administracións públicas e do procedemento administrativo común.

Santiago de Compostela, 19 de marzo de 2001.

Antonio López Blanco

Xefe do Departamento de Xestión do Dominio

Público Hidráulico