Perante este Xurado Provincial de Montes Veciñais en Man Común tramítase o expediente de clasificación do monte coas características que a seguir se indican:
Expediente número: 2/2001.
Denominación: monte San Roque e Cornao.
Comunidade propietaria: veciños da parroquia de Ribasaltas.
Concello: Monforte de Lemos.
Superficie: 135 hectáreas.
Estremas:
Norte: monte da parroquia de Valverde. Leste: montes da parroquia da Parte. Sur: monte Cornao da parroquia de Reigada. Oeste: predios particulares da parroquia.
Descrición do perímetro: estes montes da parroquia de Ribasaltas dividen polo leste cos da parroquia de Valverde e da Parte segundo un cume da lomba de San Roque que divide augas con tales parroquias, baixando cara ó sur cos montes da Parte e atravesa-lo río Cabe e subir por unha valgada ata o Alto de Cornao, desde o que baixan cara ó suroeste por unha lomba dividindo con montes da parroquia de Reigada ata os predios particulares.
En virtude do acordado polo xurado na sesión que tivo lugar o día 14 de decembro de 2000 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de apli
cación, por este edicto faise pública a iniciación para a posible clasificación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas poidan comparecer e intervir no expediente iniciado e formular perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.
Lugo, 19 de febreiro de 2001.
Luis González Vázquez
Presidente do Xurado Provincial de Montes
Veciñais en Man Común de Lugo