No Xulgado do Contencioso-Administrativo número catro da Coruña tramítase o recurso nº 255/00, (procedemento abreviado), interposto por Manuel Xosé Lemos López, contra a resolución deste centro directivo do 9 de outubro de 2000 (DOG nº 202, do 18 de outubro), pola que se nomean os aspirantes seleccionados (persoal de servicios xerais), no proceso selectivo de persoal estatutario convocado por Resolución do 28 de decembro de 1998 (DOG nº 9, do 15 de xaneiro de 1999).

O que se notifica para xeral coñecemento dos interesados no procedemento, e emprázanse para que

poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 14 de marzo de 2001.

Valeriano Martínez García

Director xeral da División de Recursos Humanos