De conformidade co disposto no artigo 34 da Lei do solo de Galicia faise público que o Pleno do Concello do Porriño, na súa sesión do día 8 de marzo de 2001, adoptou o acordo seguinte:
1. Acorda-la suspensión cautelar por un ano de procedemento de outorgamento de licencias de parcelación de terreos, edificación e demolición para as cinco zonas de solo urbano que figuran nos planos de delimitación escala 1:2000 achegados co escrito de Arteplán, S.A., e que segundo informe do técnico municipal se atopan situadas en:
-Delimitación zona-1:
Norte: r/ Coruña.
Sur: prolongación de travesía antigo edificio de correos.
Leste: terreos particulares de Aloques.
Oeste: prolongación r/ Pontevedra.
-Delimitación zona-2 (parque Gonzálo Ordóñez):
Norte: r/ Tarela.
Sur: r/ Antonio Palacios.
Leste: r/ Tarela.
Oeste: terreos particulares (Geo Porriño).
-Delimitación zona-3 (accesos a Risca ambas marxes):
Norte: estrada á Risa e colexio Hermanos Quiroga.
Sur: r/ Antonio Palacios.
Leste: camiño que separa de Comercial Fortes, Hotel Internacional, restaurante Manolo.
Oeste: terreos particulares (urbanización Louzán).
-Delimitación zona-4:
Norte: camiño de acceso á urbanización García.
Sur: r/ Antonio Palacios.
Leste: urbanizción García.
Oeste: camiño de acceso á urbanización Gulpilleira.
-Delimitación zona-5:
Norte: r/ Fernández Areal.
Sur: terreos particulares próximos ó río Fonteliño.
Leste: camiño de baixada ó río Fonteliño.
Oeste: terreos particulares (zona Aviseiro).
Esta suspensión efectúase para os efectos de salvagarda-la ordenación que se propón no Plan Xeral de Ordenación Urbana que se está redactando.
2. Este acordo publicarase no BOP, no DOG e nun dos diarios de maior difusión dela.
3. A suspensión referida extinguirase, en todo caso, no prazo dun ano.
Contra o acordo anteriormente expresado, que pon fin á vía administrativa poderán interpoñerse os recurso seguintes:
a) Potestativo de reposición, perante o órgano administrativo que dictou este acto, no prazo dun mes, contado desde o día seguinte ó da publicación deste acordo.
b) Contencioso-administrativo, perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ó da publicación deste acordo, se opta pola impugnación directa ante a orde xurisdiccional contencioso-administrativa, ou desde o día seguinte a aquel en que se publique a resolución expresa do recurso de reposición potestativo ou en que este deba entenderse presuntamente desestimado.
c) Sen prexuízo de que poida exercer, se é o caso, calquera outro que estime procedente.
O Porriño, 9 de marzo de 2001.
José Manuel Barros González
Alcalde