Dentro do programa de actividades que a Academia Galega de Seguridade ten previsto realizar no ano 2001, conforme as funcións que ten encomendadas pola Lei 4/1992, do 9 de abril, de creación da Academia Galega de Seguridade, anúnciase a realización de 1 curso sobre o patrimonio en Santiago de Compostela e o Camiño, que se desenvolverán conforme as seguintes bases:

Obxectivos.

Acadar un coñecemento do patrimonio histórico artístico de Compostela, que lle sexa útil ós voluntarios de protección civil na súa axuda ós milleiros de visitantes e peregrinos desta cidade, e sexan capaces de dar unha información clara, concisa e útil.

Destinatarios.

O curso vai dirixido ós membros das Agrupacións de voluntarios de protección civil de Santiago de Compostela e comarca, que previamente superasen o curso básico de protección civil.

Inscrición.

A inscrición dos participantes será totalmente gratuíta.

Solicitudes.

1. As persoas que desexen participar neste curso presentarán, cuberta á máquina ou con letra moi clara, a instancia que figura no anexo.

2. O prazo para a presentación de instancias será de 15 días naturais a partir do día seguinte ó da publicación desta resolución no Diario Oficial de Galicia.

3. As instancias serán enviadas polo presidente da Agrupación correspondente á sede da Academia Galega de Seguridade: avenida da Cultura, 36680, A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Contido.

O contido do curso do patrimonio en Santiago de Compostela e o Camiño.

-Historia do Camiño de Santiago. Importancia de Santiago en Europa.

-Santiago de Compostela: coñecementos básicos de servicios que ofrece a cidade para os visitantes.

-Clase práctica en Santiago.

-Historia de Santiago de Compostela. Onte e hoxe da cidade.

A Catedral de Santiago.

-Visitas prácticas.

-Coñecementos sobre tradicións e festas en Santiago de Compostela.

Trato ó peregrino e ó turista que chega a Santiago.

Duración e datas.

O curso terá lugar durante as seguintes datas; 21 e 28 de abril e 5-12-19 de maio. Terá unha duración de 20 horas lectivas.

O horario será en sesións de mañá e tarde, de 16 horas a 20 horas.

Prazas.

O número máximo de prazas ofertadas por cada curso é de 30.

Relación de admitidos.

A relación de admitidos publicarase o día 9 de abril de 2001 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.

Lugar.

En Santiago de Compostela, está por determina-la localización da actividade de aula.

Asistencia.

É obrigatoria a asistencia e puntualidade en tódalas actividades do curso. A falta de asistencia, aínda cando sexa xustificada, a máis dun 10% das horas lectivas programadas, determinará a cualificación de «non apto» no curso.

Certificado de aproveitamento.

Á fin do curso entregaráselles un certificado de asistencia e aproveitamento a aquelas persoas que acrediten a súa asistencia continuada a el e superen as correspondentes probas de coñecementos.

Modificación.

A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.

A Estrada, 26 de febreiro de 2001.

Juan José Fariñas-Ferro Rodríguez

Director xeral da Academia Galega de Seguridade