En sesión ordinaria celebrada o día 8 de marzo de 2001, o tribunal adoptou os seguintes acordos:

Primeiro.-Detectado erro na pregunta nº 91, correspondente ó exercicio tipo test da quenda de acceso libre, que podería condicionar de maneira importante a contestación daquela, e para garantir que na citada proba debe permitirse, en todo caso, que se poñan de manifiesto as condicións do coñecemento e aptitude dos aspirantes, como esixe a normativa vixente, o dito tribunal acorda declarar nula e ter como non posta a pregunta anteriormente indicada.

Segundo.-Publícase a relación de opositores que superaron o primeiro exercicio, quedando á disposición dos opositores nos lugares indicados na base II.2.5 da convocatoria.

Terceiro.-Convócanse os opositores da quenda libre e da quenda de promoción interna para a realización do segundo exercicio, o día 31 de marzo de 2001, sábado, ás 9 horas na Facultade de Dereito de Santiago de Compostela.

Os aspirantes deberán comparecer no lugar indicado media hora antes da sinalada para o comezo do exercicio, provistos de DNI ou documento fidedigno acreditativo da súa identidade.

Para a resolución dos casos prácticos os opositores poderán acudir ó exercicio con calculadora non pro

gramable e textos legais sen comentarios, excluíndose os libros de consulta.

Santiago de Compostela, 8 de marzo de 2001.

José Luis Veiga Castiblánquez

Presidente do tribunal